ఇన్సురెన్స్ డబ్బుల కోసం ప్లాస్టిక్ బొమ్మకు అంత్యక్రియలు.. ఇదేం ట్విస్ట్ రా నాయనా..!

ఉత్తర్ ప్రదేశ్ లోని హాపూర్ లో షాకింగ్ ఘటన జరిగింది. దిల్లీ నుంచి వచ్చిన ఓ కుటుంబం శవానికి బదులుగా ప్లాస్టిక్ బొమ్మకు అంత్యక్రియలు నిర్వహించేందుకు యత్నించింది. యూపీ.. హాపూర్ లోని పవిత్రమైన బ్రిజ్ ఘాట్ వద్ద ఉన్న ఘర్ ముక్తేశ్వర్ ప్రాంతంలో ఈ ఘటన జరిగింది. ప్లాస్టిక్ బొమ్మను అంత్యక్రియలకోసం తీసుకురావడంపై స్థానికులు ఒక్కసారిగా షాక్ అయ్యారు. ఈ ఘటనపై పోలీసులు కేసు నమోదు చేసి ఇప్పటివరకు ఇద్దరిని అరెస్ట్ చేశారు. ప్రస్తుతం ఈ ఘటనపై పూర్తిస్థాయిలో విచారణ సాగుతోంది.

ఉత్తరప్రదేశ్‌ లోని హాపూర్‌లో షాకింగ్ ఘటన జరిగింది. దిల్లీకి చెందిన ఓ ఫ్యామిలీ ఉత్తర్ ప్రదేశ్ లోని హాపూర్ లో ఉన్న బ్రిజ్ ఘాట్ వద్దకు అంత్యక్రియల కోసం వచ్చింది. సాధారణంగా ఈ ప్రాంతంలో అనేక శవాలకు అంత్యక్రియలు నిర్వహిస్తారు. అయితే అక్కడ ఉన్నవాళ్లు కూడా అదే భావించారు. అంత్యక్రియలకోసం ఓ పూజారిని కూడా ఏర్పాటు చేశారు. చితి పేర్చి మెల్లగా ప్లాస్టిక్ బొమ్మను దానిపై ఉంచారు. అంత్యక్రియల కార్యక్రమాన్ని ప్రారంభించారు.

అయితే పూజారి ప్లాస్టిక్ బొమ్మపై కప్పిన వస్త్రాన్ని తీశాడు. దాంతో ఒక్కసారిగా షాక్ అయ్యాడు. అది శవం కాదు.. ఓ ప్లాస్టిక్ బొమ్మ. స్థానికులు కూడా అది ప్లాస్టిక్ బొమ్మ అని గుర్తించి కంగుతిన్నారు. పవిత్రమైన ఘాట్ వద్ద ఇలాంటి ఘటన జరగడంతో స్థానికులు తీవ్ర దిగ్భ్రాంతి వ్యక్తం చేశారు. ఈ ఘటనతో ఆ కుటంబంపై అనుమానం వచ్చింది. వెంటనే అంత్యక్రియల కార్యక్రమాన్ని ఆపేసి పోలీసులకు ఫిర్యాదు చేశారు. ఈ లోపు వాళ్లు అక్కడి నుంచి పరార్ అయ్యేందుకు యత్నించారు. అయితే వారిలో ఇద్దరిని పట్టుకుని పోలీసులకు అప్పగించారు. ఈ ఘటనపై కేసు నమోదు చేసుకున్నారు పోలీసులు. ఈ ఘటనపై పూర్తి స్థాయిలో దర్యాప్తు చేస్తున్నట్లు తెలిపారు.

हापुड़ : हापुड़ से चौंकाने वाली खबर आई सामने
शव की जगह पुतला लेकर पहुंचा परिवार
ब्रजघाट में अंतिम संस्कार करने पहुँचा परिवार
दिल्ली से अंतिम संस्कार करने आया था परिवार
पुलिस ने दो लोगों को हिरासत में लिया, जांच जारी —
गढ़ कोतवाली ब्रजघाट मामला
#DummyCorpseScam… pic.twitter.com/T1pgholdYE

— India News UP/UK (@IndiaNewsUP_UK) November 27, 2025

దుండగులు.. ప్లాస్టిక్ బాడీకి ఎందుకు అంత్యక్రియలు చేశారా..? అన్న కోణంలో దర్యాప్తు చేస్తున్నారు. ఇన్సురెన్సు డబ్బుల కోసం ఇలా చేస్తున్నారా..? లేక ఇతర కారణాలు ఏమైనా ఉన్నాయా..? అన్నదానిపై పూర్తిస్థాయిలో విచారణ చేస్తున్నారు. ప్రస్తుతం పోలీసులు ఇద్దరు నిందితులను అదుపులోకి తీసుకుని దర్యాప్తు చేస్తున్నారు. ఒకవేళ వాళ్లు ఏమైనా హత్యకు పాల్పడి ఉంటే శవాన్ని ఎక్కడ మాయం చేశారన్న కోణంలోనూ విచారణ చేస్తున్నారు.

English summary

In Hapur, Uttar Pradesh, a family tried to perform a cremation using a plastic dummy, sparking local outrage. Police arrested two suspects while investigating a possible conspiracy behind the incident.