ద్వేషం, భయం పెంచుతున్నారు: మోడీ సర్కారుపై హల్లా బోల్ ర్యాలీలో రాహుల్ గాంధీ

న్యూఢిల్లీ: 2014లో బీజేపీ ప్రభుత్వం అధికారంలోకి వచ్చినప్పటి నుంచి దేశంలో ద్వేషం, భయం పెరిగిపోతున్నాయని కాంగ్రెస్ మాజీ అధ్యక్షుడు రాహుల్ గాంధీ ప్రధాని నరేంద్ర మోడీని లక్ష్యంగా చేసుకుని ఆరోపణలు చేవారు. కేంద్ర ప్రభుత్వ విధానాలకు నిరసనగా కాంగ్రెస్ అధ్వర్యంలో ఢిల్లీలో హల్లా బోల్ ర్యాలీని చేపట్టారు. పెద్ద ఎత్తున కాంగ్రెస్ శ్రేణులు పాల్గొన్నారు.

ఈ సందర్భంగా రాహుల్ గాంధీ మాట్లాడుతూ.. "భారతదేశంలో ద్వేషం పెరుగుతోంది. మరోవైపు ద్రవ్యోల్బణం, నిరుద్యోగం భయం భారతదేశంలో పెరుగుతోంది. బీజేపీ, ఆర్ఎస్ఎస్ దేశాన్ని విభజించి దేశంలో భయాన్ని సృష్టిస్తున్నాయి. ఈ భయం, ద్వేషంతో దేశంలో కేవలం ఇద్దరు పారిశ్రామికవేత్తలు మాత్రమే లబ్ధి పొందుతున్నారు' అని అన్నారు.

ప్రధాని నరేంద్ర మోడీ భారతదేశంలో ద్వేషాన్ని, భయాన్ని వ్యాప్తి చేస్తున్నాన్నారు. దీంతో మన దేశ శత్రువులు దీని నుంచి ప్రయోజనం పొందుతారన్నారు. ప్రజలు అనేక ఇబ్బందులు ఎదుర్కొంటున్నారని, ప్రతిపక్షాలు పార్లమెంట్‌లో గళం విప్పేందుకు ప్రయత్నిస్తే మోడీ ప్రభుత్వం అనుమతించడం లేదని ఆయన అన్నారు.

మీడియా, న్యాయవ్యవస్థ, ఎన్నికల కమిషన్ వంటి సంస్థలపై మోడీ ప్రభుత్వం దాడులు చేస్తున్నందున వాటిపై ఒత్తిడి ఉందని వాయనాడ్ ఎంపీ రాహుల్ గాంధీ ఆరోపించారు.

మోడీకి వ్యతిరేకంగా వెళితే.. ఎవరిపైనైనా దాడి చేస్తారు;

ఈడీ కార్యాలయంలో 55 గంటలు కూర్చునేలా చేశారు, కానీ ప్రధానమంత్రికి చెప్పాలనుకుంటున్నాను, నేను మీ ఈడీకి భయపడను అని రాహుల్ అన్నారు.

'భారత్ జోడో యాత్ర' గురించి రాహుల్ మాట్లాడుతూ.. తాము నేరుగా ప్రజల వద్దకు వెళ్లి వారికి నిజం చెప్పాలన్నారు. దేశంలో ద్రవ్యోల్బణం, నిరుద్యోగం, వస్తు, సేవల పన్ను పెంపునకు వ్యతిరేకంగా ఢిల్లీలోని రాంలీలా మైదాన్‌లో కాంగ్రెస్‌ ఆదివారం 'మెహంగై పర్‌ హల్లా బోల్‌' అనే మెగా ర్యాలీ నిర్వహించింది.

అంతకుముందు, 'మెహంగై పర్ హల్లా బోల్' ర్యాలీకి రాబోయే రాష్ట్ర ఎన్నికలకు లేదా 2024 లోక్‌సభ ఎన్నికలకు సంబంధం లేదని కాంగ్రెస్ సీనియర్ నాయకుడు, కమ్యూనికేషన్స్ పార్టీ సెక్రటరీ జనరల్ ఇన్‌ఛార్జ్ జైరాం రమేష్ అన్నారు.

Delhi | Congress leader & MP Rahul Gandhi arrives at Ramlila Maidan for Congress' 'Halla Bol' march pic.twitter.com/VmNLWhfoo5

— ANI (@ANI) September 4, 2022

కాంగ్రెస్ కార్యకర్తలను అదుపులోకి తీసుకున్నారు

ద్రవ్యోల్బణానికి వ్యతిరేకంగా పార్టీ చేపట్టిన నిరసన సందర్భంగా ఆదివారం పలువురు కాంగ్రెస్ కార్యకర్తలను అదుపులోకి తీసుకున్నారు. కార్మికులు బంగా భవన్ నుంచి అక్బర్ రోడ్‌లోని ఆల్ ఇండియా కాంగ్రెస్ కమిటీ ప్రధాన కార్యాలయానికి తరలిస్తుండగా ఢిల్లీ పోలీసులు వారిని అదుపులోకి తీసుకున్నట్లు వార్తా సంస్థ ఏఎన్ఐ నివేదించింది.

English summary

Spreading Hate & Fear In India: Rahul slams PM Modi at Congress Halla Bol Rally.