రాష్ట్ర ప్రభుత్వం సంచలన నిర్ణయం- మయోనైజ్ పై నిషేధం

స్ట్రీట్ ఫుడ్ లవర్స్ కు గుడ్ న్యూస్. యువత ఎంతో ఇష్టంగా లొట్టలేసుకుంటూ తినే మయోనైజ్ ను రాష్ట్ర ప్రభుత్వం నిషేధించింది. ఏడాది పాటు ఈ నిషేధం అమల్లో ఉంటుందని పేర్కొంది. ఈ మేరకు ఉత్తర్వులు జారీ చేసింది. నేటి నుంచే ఈ నిషేధం అమల్లోకి వస్తుందని కీలక ఆదేశాలు జారీ చేసింది.

ఫుడ్ లవర్స్ ఇష్టంగా తినే మయోనైజ్ ను నిషేధించింది తమిళనాడు ప్రభుత్వం. మయోనైజ్ ఉత్పత్తి, ప్యాకేజింగ్, అమ్మకాలపై ఏడాది పాటు నిషేధం విధిస్తూ కీలక నిర్ణయం తీసుకుంది. ఈ నిషేధం ఈ రోజు నుంచే అమల్లోకి వస్తుందని పేర్కొంది. మయోనైజ్ కారణంగా ఇటీవల తమిళనాడులో ఫుడ్ పాయిజన్ కేసులు అధికంగా రావడంతో తమిళనాడు ప్రభుత్వం ఈ నిర్ణయం తీసుకున్నట్లు పేర్కొంది.

మయోనైజ్ ఉత్పత్తి..​ తయారీ.. నిల్వ సరిగ్గా లేక చాలా క్రిములు, బ్యాక్టీరియా వ్యాప్తి చెందుతున్నట్లు పరిశోధనలో తేలిందని తమిళనాడు ప్రభుత్వం పేర్కొంది. ప్రజల ఆరోగ్యానికి ఇది ఎంతో ప్రమాదకరమని గుర్తించామని వివరించింది. మయోనైజ్ వినియోగం కారణంగా అనేక రకాల వ్యాధులు వచ్చే అవకాశం ఉందని తెలిపింది.

ఈ కారణంగానే ఫుడ్​ సేఫ్టీ అండ్ స్టాండర్డ్స్​ యాక్ట్​ 2006 కింద ఈ నిషేధం విధించామని తమిళనాడు ప్రభుత్వం పేర్కొంది. అయితే ఇప్పటికే తెలంగాణ ప్రభుత్వం మయోనైజ్ పై నిషేధం విధించిన విషయం తెలిసిందే.