తరుణ్‌ తేజ్‌పాల్‌పై అభియోగాలు నమోదు చేయాలి: కోర్టు

పనాజీ: లైంగిక ఆరోపణలు ఎదుర్కొంటున్న తెహల్కా ఎడిటర్ తరుణ్ తేజ్‌పాల్‌కు న్యాయస్థానంలో ఎదురుదెబ్బ తగిలింది. తేజ్‌పాల్‌పై అభియోగాలు నమోదు చేయాలని గోవా కోర్టు గురువారం నాడు ఆదేశించింది.

ఈ కేసు తదుపరి విచారణను ఈ నెల 28వ, తేదికి వాయిదా వేసింది కోర్టు. కోర్టు ఆదేశాలపై తరుణ్ తేజ్‌పాల్ న్యాయవాది మాత్రం ఈ కేసు ఫైనల్ చార్జీ షీట్‌లో 376 సెక్షన్ లేదన్నారు.

తన వద్ద పనిచేసే మహిళా జర్నలిస్టుపై లైంగిక వేధింపులకు పాల్పడ్డారని తరుణ్‌తేజ్‌పాల్‌పై కేసు నమోదైంది. గోవాలోని ఓ హోటల్‌లో తరుణ్ తేజ్‌పాల్ లైంగిక దాడికి పాల్పడ్డారని అదే సంస్థలో పనిచేసిన జర్నలిస్టు సంచలన ఆరోపణలు చేశారు.

ఈ ఆరోపణలు అప్పట్లో సంచలనం కల్గించాయి. హోటల్‌లోని లిఫ్టులోకి లాగి తేజ్‌పాల్ లైంగిక వేధింపులకు పాల్పడ్డారని బాధితురాలు తెహెల్కా మేనేజింగ్ ఎడిటర్ సోమా చౌదురీకి ఫిర్యాదు చేసింది.

English summary

Goa Session Court on Thursday said that the next hearing in case of rape accused Tehelka editor-in-chief Tarun Tejpal will take place on September 28 for the charges to be framed.