EPFO: ATM తరహాలో పీఎఫ్ డబ్బుల విత్ డ్రా..!

ఉద్యోగం చేసే దాదాపు అందరికీ పీఎఫ్ ఖాతా ఉంటుంది. ఉద్యోగి, కంపెనీ ప్రతీ నెల పీఎఫ్ కు డబ్బు చెల్లిస్తారు. సెంట్రల్ బోర్డ్ ఆఫ్ ట్రస్టీస్ (CBT) ఆధ్వర్యంలో ఈపీఎఫ్ పని చేస్తోంది. ఈపీఎఫ్ఓ ఎప్పటికప్పుడు సాంకేతికతను అందిపుచ్చుకుంటుంది. తాజాగా ప్రావిడెంట్ ఫండ్ కీలక మార్పు తీసుకొచ్చేందుకు సిద్ధమవుతున్నట్లు వార్తలు వస్తున్నాయి. 2025 జులై నాటికి ఎంప్లాయీస్ ప్రావిడెంట్ ఫండ్ ఆర్గనైజేషన్ (EPFO) చందాదారులు డెబిట్ కార్డ్ తరహా సదుపాయం కల్పించే అవకాశం ఉంది.

ఈ సదుపాయంతో ATMల నుంచి నేరుగా నిధులను విత్‌డ్రా చేసుకునే అవకాశం ఉంది. అత్యవసరాల కోసం డబ్బు కావాలనుకున్న వారు ద్వారా డబ్బు తీసుకునేందుకు ఈ సదుపాయం అందుబాటులోకి తీసుకురానున్నారు. అయితే విత్ డ్రా పై పరిమితులు ఉండనున్నాయి. ప్రభుత్వం ప్రతిష్టాత్మకంగా తీసుకున్న EPFO ​​3.0 ప్లాన్‌లో భాగంగా ఈ సదుపాయం తీసుకురానున్నారు. ATM ఉపసంహరణలతో పాటు, కార్మిక మంత్రిత్వ శాఖ ఉద్యోగుల విరాళాలపై 12% పరిమితిని తొలగించడాన్ని పరిశీలిస్తున్నట్లు తెలుస్తోంది.

దీని వలన కార్మికులు వారి ఆర్థిక లక్ష్యాలకు అనుగుణంగా మరింత ఆదా చేసుకోవచ్చు. 12 శాతం పొదుపు నిబంధన ఎత్తివేస్తే ఎప్పుడైనా డిపాజిట్ చేసే సౌలభ్యాన్ని చందాదారులు త్వరలో పొందవచ్చని నివేదికలు పేర్కొంటున్నాయి. ప్రభుత్వం ఉద్యోగుల పెన్షన్ స్కీమ్ 1995 (EPS-95)కి సంస్కరణలపై కసరత్తు చేస్తోంది. ప్రస్తుతం యజమాని సహకారంలో 8.33% EPS-95కి కేటాయించారు.

ప్రతిపాదిత మార్పులు ఉద్యోగులు తమ పెన్షన్ ప్రయోజనాలను పెంచుకోవడానికి వీలుగా పథకానికి నేరుగా సహకరించడానికి అనుమతించవచ్చు.
EPFO 3.0 సంస్కరణలు 2025 ప్రారంభంలో అధికారికంగా ప్రకటించే అవకాశం ఉందని భావిస్తున్నారు. దీనిపై ప్రస్తుతానికి ఎలాంటి అధికారిక ప్రకటన రాలేదు.

English summary

There is a possibility of providing the facility to withdraw PF money like ATM