పహల్గాం దాడి ఉగ్రవాది ఎన్ కౌంటర్ - మరో ఇద్దరు మోస్ట్ వాంటెడ్ హతం..!!

టెర్రరిస్టులను మట్టిలో కలిపేస్తామని ప్రకటించిన భారత్.. ఆ దిశగా ముందుకు వెళ్తోంది. పహల్గాం దాడి తరువాత భారత్ నిర్వహించిన ఆపరేషన్ సింధూర్ తో పాక్ అతలా కుతలం అయింది. పాక్ రక్షణ వ్యవస్థ ఛిన్నా భిన్నంగా మారింది. సింధు నదీ ఒప్పందం రద్దు పైనా పునరాలోచన కోసం పాక్ భారత్ ను అభ్యర్ధించింది. ఇక, జమ్ములో ఉగ్రవాదుల కోసం జల్లెడ పడుతున్నారు. 48 గంటల్లో రెండో ఎన్ కౌంటర్ జరిగింది. పహల్గాం దాడిలో పాల్గొన్న ఒక ఉగ్రవాదితో పాటుగా లష్కరే తోయిబాకు చెందిన మరో ఇద్దరు మోస్ట్ వాంటెడ్ ఉగ్రవాదులు హతమయ్యారు.

జమ్ముకశ్మీర్‌లో ఉగ్రవాదుల కోసం వేట కొనసాగుతోంది. పుల్వామా జిల్లాలో జరిగిన ఎన్ కౌంటర్ లో
లష్కరే తయ్యిబాకు చెందిన ముగ్గురు ఉగ్రవాదులు హతమైనట్లు సమాచారం. పుల్వామా జిల్లా లోని థ్రాల్‌ ప్రాంతంలో ఉగ్రవాదులు నక్కినట్లు నిఘా వర్గాల నుంచి సమాచారం వచ్చింది. దీం తో, కార్డన్ సెర్చ్​ చేపట్టారు. ఈ క్రమంలో భద్రతా దళాలపైకి ఉగ్రవాదులు కాల్పులు జరిపారు. భద్రతా దళాలు ఎదురుకాల్పులతో సెర్చ్ ఆపరేషన్ ఎన్​కౌంటర్​ గా మారింది. మరోవైపు, జమ్ముకశ్మీర్‌లో 48 గంటల్లో ఎన్‌కౌంటర్‌ జరగడం ఇది రెండోసారి. మంగళవారం షోపియాన్‌ ప్రాంతంలోని జిన్‌పాథర్‌ కెల్లర్‌లో జరిగిన ఎదురుకాల్పుల్లో ముగ్గురు ఉగ్రవాదులను భద్రతా దళాలు మట్టుబెట్టాయి.

వీరిని లష్కరే తయ్యిబాకు చెందిన ముఠా సభ్యులుగా గుర్తించారు. కశ్మీర్‌ లోయలో పలు దాడులకు పాల్పడినట్లు భద్రతా బలగాలు పేర్కొన్నాయి. అయితే దీనికి భద్రతా బలగాలు ఆపరేషన్ కెల్లర్ గా పేరు ఖరారు చేసాయి. టెర్రర్ రహిత ప్రాంతంగా కాశ్మీర్ ను మార్చేందుకు భద్రతా దళాలు ప్రతీ అడుగు శోధిస్తున్నాయి. ఎక్కడా టెర్రర్ మూలాలు ఉన్నా పూర్తిగా నేల మట్టం చేస్తున్నాయి. నిఘా వ్యవస్థతో సమన్వయం చేసుకుంటూ భారత్ దళాలు ఉగ్రవాదుల ఏరి వేతను ముమ్మరం చేసాయి.

English summary

The search operation is currently underway as more terrorists are believed to be trapped in the area