ఆహారం, నీరు తీసుకోకుండా సల్లేఖన దీక్ష.. మూడేళ్ల చిన్నారి ప్రాణత్యాగం

మూడేళ్ల పిల్లలు అంటే.. సరిగ్గా మాటలు కూడా రాని వయసు. అలాంటి ఓ చిన్నారి సల్లేఖన దీక్ష చేసి మృతి చెందింది. ఈ విషాద ఘటన మధ్య ప్రదేశ్ లో జరిగింది. ఆహారం, నీరు తీసుకోకుండా ఆమరణ నిరాహార ఉపవాస దీక్ష చేసి శరీరాన్ని క్షీణింపజేసి ప్రాణాన్ని దేవుడికి అర్పించి మృతి చెందింది. దీంతో ఈ ఘటన దేశవ్యాప్తంగా చర్చ నీయాంశంగా మారింది.

మధ్యప్రదేశ్‌లోని ఇండోర్‌లో షాకింగ్ ఘటన జరిగింది. నిండా మూడేళ్లు కూడా నిండని చిన్నారి వియానా సల్లేఖన దీక్ష చేసి మృతి చెందింది. ఆహారం, నీరు తీసుకోకుండా శరీరాన్ని క్షీణింపజేస్తూ స్వచ్ఛందంగా మరణాన్ని పొందింది. దీంతో ఈ వార్త దేశవ్యాప్తంగా చర్చనీయాంశంగా మారింది. అయితే.. బ్రెయిన్ ట్యూమర్‌ తో బాధపడుతున్న వియానా తల్లిదండ్రులు ఆమెకు ఈ దీక్షను నిర్వహించారు. దీక్ష ప్రారంభించిన కొద్ది నిమిషాల్లోనే వియానా ప్రాణాలు కోల్పోయింది.

మధ్యప్రదేశ్‌లోని ఇండోర్‌ కు చెందిన పీయూష్, వర్షా జైన్ దంపతుల ఏకైక కుమార్తె వియానా. పీయూష్ ఓ కంపెనీలో టెకీగా పనిచేస్తున్నాడు. గత డిసెంబర్‌లో వియానాకు బ్రెయిన్ ట్యూమర్ ఉన్నట్లు వైద్య పరీక్షల్లో వెల్లడైంది. చికిత్స అందించినా లాభం లేకుండా పోయింది. మరోవైపు వియానా ఆరోగ్యం రోజురోజుకూ క్షీణించడం ప్రారంభమైంది.

దీంతో జైన మతాన్ని పాటించే ఆ కుటుంబం ఆధ్యాత్మిక మార్గాన్ని ఎంచుకుంది. మార్చి 21న జైన గురువు రాజేష్ ముని మహరాజ్ ఇచ్చిన సలహా మేరకు వియానాకు సల్లేఖన దీక్ష నిర్వహించారు. తమ ఆధ్వర్యంలోనే ఈ దీక్ష జరిగినట్లు వియానా తల్లిదండ్రులు పేర్కొన్నారు. దీక్ష ప్రారంభించిన కొద్ది సేపటికే ఆమె మృతి చెందినట్లు తెలిపారు.

సల్లేఖన దీక్ష అంటే ఏంటి ?

సల్లేఖన దీక్ష అంటే ఆహారం, నీరు వంటికి తాగకుండా ఉపవాసం ద్వారా స్వచ్ఛందంగా ప్రాణత్యాగం చేయడం. సాధారణంగా వృద్ధాప్యం, తీవ్రమైన అనారోగ్య సమస్యలు ఉన్నవారు మత గురువు వద్ద ఈ దీక్షను తీసుకుంటారు. దీక్ష తీసుకున్న వ్యక్తి ఆహార పానీయాలను మానేస్తారు. సల్లేఖన దీక్ష ద్వారా వచ్చే మరణాన్ని సమాధి మరణం, శాంతియుత మరణం అని కూడా అంటారు.