• search

కరుణానిధి ఆరోగ్యం విషమం, హై అలర్ట్, ఆసుపత్రిలో సీఎం పళని, పన్నీర్ , భారీ బందోబస్తు !

Subscribe to Oneindia Telugu
For Quick Alerts
ALLOW NOTIFICATIONS
For Daily Alerts

    చెన్నై: తమిళనాడు మాజీ ముఖ్యమంత్రి, డీఎంకే పార్టీ చీఫ్ ఎం. కరుణానిధి (94) ఆరోగ్యం విషమంగా ఉందని ప్రచారం జరగడంతో చెన్నైలోని ఆళ్వార్ పేట్ లోని కావేరీ ఆసుపత్రి వద్ద ఉద్రిక్త పరిస్థితులు నెలకొన్నాయి. పరిస్థితి చెయ్యిదాటకుండా చూడటానికి తమిళనాడు ప్రభుత్వం ఆళ్వార్ పేట్ లోని కావేరీ ఆసుపత్రి దగ్గర 3 వేల మంది పోలీసులతో భారీ బందోబస్తు ఏర్పాటు చేసి హై అలర్ట్ ప్రకటించింది. తమిళనాడు సీఎం ఎడప్పాడి పళనిస్వామి తన అధికార పర్యటనలు అన్నీ రద్దు చేసుకుని సేలం నుంచి చెన్నై చేరుకున్నారు.

      మాజీ ముఖ్యమంత్రి కరుణానిధి ఆరోగ్యంపై కావేరి ఆస్పత్రి వైద్యులు బులెటిన్ విడుదల
      పళని, పన్నీర్ సెల్వం

      పళని, పన్నీర్ సెల్వం

      సోమవారం ఉదయం తమిళనాడు ముఖ్యమంత్రి ఎడప్పాడి పళనిస్వామి, ఉప ముఖ్యమంత్రి పన్నీర్ సెల్వం కావేరీ ఆసుపత్రి చేరుకుని డీఎంకే చీఫ్ ఎం. కరుణానిధి ఆరోగ్యం గురించి ఆయన కుటుంబ సభ్యులు, వైద్యుల నుంచి వివరాలు సేకరించారు.

      దేవుడు దీవెనలు

      దేవుడు దీవెనలు

      డీఎంకే పార్టీ చీఫ్ ఎం. కరుణానిధి త్వరగా కోలుకోవాలని ఆదేవుడిని ప్రార్థించామని తమిళనాడు ముఖ్యమంత్రి ఎడప్పాడి పళనిస్వామి, ఉప ముఖ్యమంత్రి పన్నీర్ సెల్వం మీడియాకు చెప్పారు. కరుణానిధిని తాము ఐసీయూలో చూశామని, ఆయనకు వైద్యులు మెరుగైన చికిత్స అందిస్తున్నారని ఎడప్పాడి పళనిస్వామి, పన్నీర్ సెల్వం మీడియాకు వివరించారు.

      కావేరీ ఆసుపత్రి క్లారిటీ

      కావేరీ ఆసుపత్రి క్లారిటీ

      తమిళనాడు మాజీ ముఖ్యమంత్రి ఎం. కరుణానిధి చికిత్సకు పూర్తిగా సహకరిస్తున్నారని, ఆయన ఆరోగ్యం కుదటపడుతోందని కావేరీ ఆసుపత్రి యాజమాన్యం పత్రికా ప్రకటన విడుదల చేసింది. కరుణానిధి చికిత్సకు పూర్తిగా సహకరిస్తున్నారని కావేరీ ఆసుపత్రి సీనియర్ వైద్యుడు డాక్టర్ అరవిందన్ సెల్వరాజ్ మీడియాకు చెప్పారు.

      నాయకుల ఆందోళన

      నాయకుల ఆందోళన

      తమిళనాడు మాజీ ముఖ్యమంత్రి ఎం. కరుణానిధి ఆరోగ్యం విషమించిందని ప్రచారం జరగడంతో డీఎంకే పార్టీ నాయకులు, కార్యకర్తలు కావేరీ ఆసుపత్రి దగ్గర భారీగా గుమికూడారు. తమ నాయకుడు త్వరగా కోలుకోవాలని ప్రార్థనలు చేస్తూ ఆసుపత్రి ముందే అనేక మంది కార్యకర్తలు తలనీలాలు సమర్పించుకున్నారు.

      తమిళనాడులో హై అలర్ట్

      తమిళనాడులో హై అలర్ట్

      కరుణానిధి ఆరోగ్యం విషమించిందని ప్రచారం జరగడంతో చెన్నై నగరంతో పాటు తమిళనాడులో హై అలర్ట్ ప్రకటించారు. పుకార్లు నమ్మకూడదని, కరుణానిధి ఆరోగ్యం నిలకడగా ఉందని ఆయన కుటుంబ సభ్యులు కార్యకర్తలకు చెప్పారు. కావేరీ ఆసుపత్రి దగ్గర గుమికూడిన కార్యకర్తలు వెంటనే ఇంటికి వెళ్లాలని కరుణానిధి కుటుంబ సభ్యులు మనవి చేసినా వారు మాత్రం అక్కడి నుంచి కదలలేదు.

      తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

      English summary
      Tamil Nadu Chief Minister Edappadi Palanisami says Karunanidhi is well. We saw him in ICU. Doctors monitoring him continuesly he said further.MK Stalin appealed to his party workers to cooperate with the police and not cause disturbances as DMK president Karunanidhi is reportedly recovering post a health scare.

      Oneindia బ్రేకింగ్ న్యూస్
      రోజంతా తాజా వార్తలను పొందండి

      X
      We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more