షాకింగ్ వీడియో: ఒక్కసారిగా గంగా నదిలో కుప్పకూలిపోయిన కేబుల్ బ్రిడ్జి

Updated: Sunday, June 4, 2023, 22:28 [IST]

పాట్నా: బీహార్ రాష్ట్రంలో నిర్మాణంలో ఉన్న ఓ తీగల వంతెన(కేబుల్ బ్రిడ్జి) ఒక్కసారిగా నదిలో కూలిపోయింది. ఈ ఘటనలో ఎవరికీ ఎలాంటి గాయాలూ కాలేదు. ఖగారియా జిల్లాలో గంగా నదిపై అగువాని సుల్తాన్‌గంజ్ గంగా పేరుతో నిర్మిస్తున్న ఈ బ్రిడ్జి ఒక్కసారిగా నదిలో కూలిపోయింది. ఈ వంతెనకు ఇలా కూలిపోవడం ఇది రెండోసారి కావడం గమనార్హం.

#WATCH | Under construction Aguwani-Sultanganj bridge in Bihar’s Bhagalpur collapses. The moment when bridge collapsed was caught on video by locals. This is the second time the bridge has collapsed. Further details awaited.

(Source: Video shot by locals) pic.twitter.com/a44D2RVQQO
— ANI (@ANI) June 4, 2023

ఏప్రిల్ నెలలో తుఫాను కారణంగా బ్రిడ్జి పిల్లర్లు కొంత భాగం దెబ్బతిన్నాయి. ఖగారియా-అగువాని ప్రాంతాల మధ్య గంగా నదిపై ఈ బ్రిడ్జిని నిర్మిస్తున్నారు. దీని నిర్మాణం కోసం బీహార్ ప్రభుత్వం రూ. 1,717 కోట్లు కేటాయించింది. రెండోసారి కూడా వంతెన కూలిపోవడంతో బీహార్ సీఎం నితీష్ కుమార్ విచారణకు ఆదేశించారు.

Under construction Aguwani-Sultanganj bridge in Bihar’s Bhagalpur collapses; Caught On Tape

2015లో నితీష్ కుమార్ ఈ వెంతన నిర్మాణానికి శంకుస్థాపన చేశారు. 2020 నాటికి ఈ వంతెన నిర్మాణం పూర్తి కావాల్సి ఉండగా.. ఇప్పటికీ పూర్తికాలేదు. అంతేగాక, ఇప్పుడు దాదాపు ఈ వంతెన మొత్తం నదిలో కూలిపోవడం చర్చనీయాంశంగా మారింది. కాగా, బ్రిడ్జి కూలుతున్న సమయంలో అక్కడేవున్న స్థానికులు ఆ దృశ్యాలను ఫోన్లలో వీడియో తీశారు. ప్రస్తుతం ఆ వీడియోలు సోషల్ మీడయాలో వైరల్‌గా మారాయి.

#WATCH | Under construction Aguwani-Sultanganj bridge in Bihar’s Bhagalpur collapses. The moment when bridge collapsed was caught on video by locals. This is the second time the bridge has collapsed. Further details awaited.

(Source: Video shot by locals) pic.twitter.com/hMuoLmtXiD
— ANI (@ANI) June 4, 2023

మరోవైపు, నిర్మాణంలో ఉన్న బ్రిడ్జి ఇలా రెండుసార్లు కూలిపోవడంపై రాష్ట్ర ప్రతిపక్షాలు నితీశ్ కుమార్ ప్రభుత్వంపై విమర్శలు గుప్పిస్తున్నాయి. 'సీఎం కమీషన్లకు అలవాటుపడ్డారు. ప్రభుత్వ వ్యవస్థ మొత్తం అవినీతిలో కూరుకుపోయింది. రాష్ట్రంలో పాలనను గాలికొదిలేసి ప్రతిపక్షాల ఐక్యత కోసం నితీష్ దేశంలో తిరుగుతున్నారు' అని బీజేపీ ఎమ్మెల్యే విజయ్ కుమార్ సిన్హా విమర్శించారు.

కాగా, గత డిసెంబర్ నెలలో కూడా బీహార్‌లోని బెగుసరాయ్ ప్రాంతంలో బుర్హి గండక్ నదిపై నిర్మించిన బ్రిడ్జి కూడా కొంతభాగం కూలిపోవడం గమనార్హం. ఈ ఘటనలో ఓ కూలి చనిపోగా, మరో వ్యక్తి తీవ్రగాయాలయ్యాయి.
ఇది ఇలావుండగా, కిషన్ గంజ్, సహర్సా జిల్లాలో కూడా రెండు వంతెనలు ప్రారంభానికి ముందే కూలిపోవడం గమనార్హం.