ఘోర రోడ్డు ప్రమాదం: కేంద్రమంత్రి భార్యతోపాటు మరొకరు మృతి, శ్రీపాద్ నాయక్‌కు తీవ్రగాయాలు

బెంగళూరు: ఆయూష్, రక్షణ శాఖ సహాయ మంత్రి శ్రీపాద్ నాయక్ రోడ్డు ప్రమాదానికి గురయ్యారు. ఈ ఘటనలో ఆయనకు తీవ్రగాయాలయ్యాయి. ఈ ప్రమాదంలో కేంద్రమంత్రి శ్రీపాద్ నాయక్ భార్య విజయ, వ్యక్తిగత కార్యదర్శి దీపక్ మృతి చెందారు. ఈ రోడ్డు ప్రమాదం కర్ణాటకలో జరిగింది.

కర్ణాటకలోని ఉత్తర కన్నడ జిల్లా అంకుల సమీపంలో కేంద్రమంత్రి శ్రీపాద నాయక్ ప్రయాణిస్తున్న కారు బోల్తా పడింది. ఎల్లాపూర్ నుంచి గోకర్ణ వెళ్తుండగా ఈ ప్రమాదం జరిగింది. సమాచారం అందుకున్న వెంటనే పోలీసులు హుటాహుటిన ఘటనా స్థలానికి చేరుకుని సహాయక చర్యలు చేపట్టారు.

కేంద్రమంత్రి శ్రీపాద్ నాయక్‌కు మెరుగైన వైద్య చికిత్స అందేలా చూడాలని గోవా ముఖ్యమంత్రి ప్రమోద్ సావంత్‌కు ప్రధాని నరేంద్ర మోడీ ఫోన్ చేసి కోరారు. కేంద్రమంత్రి శ్రీపాద్ నాయక్ త్వరలోనే కోలుకోవాలని బీజేపీతోపాటు ఇతర పార్టీల రాజకీయ నేతలు ఆకాంక్షించారు.

Prime Minister Narendra Modi has spoken to Goa Chief Minister Pramod Sawant to ensure proper arrangements for the treatment of Union Minister Shripad Naik, at Goa. https://t.co/txAQZm0Lz6

— ANI (@ANI) January 11, 2021

English summary

In a tragic incident, Union Minister Shripad Naik who was travelling in the car met with an accident and his wife Vijaya Naik died in the hospital this evening.