యూపీ పోల్స్: నామినేషన్ పత్రాలు దాఖలు చేసేందుకు పరుగెత్తిన మంత్రి(వీడియో)

లక్నో: మరికొద్ది రోజుల్లో ఉత్తరప్రదేశ్ రాష్ట్రంలో అసెంబ్లీ ఎన్నికలు ప్రారంభం కానున్న నేపథ్యంలో అన్ని రాజకీయ పార్టీల అభ్యర్థులు తమ తమ నామినేషన్లు దాఖలు చేస్తున్నారు. కాగా, ఉత్తరప్రదేశ్ బాలియా జిల్లాలో శుక్రవారం ఆసక్తికర ఘటన చోటు చేసుకుంది. జిల్లాలోని ఫేఫ్నా స్థానం నుంచి బీజేపీ తరపున పోటీ చేస్తున్నారు ఆ రాష్ట్ర క్రీడాశాఖ మంత్రి ఉపేంద్ర తివారీ.

ఆయన తన నామినేషన్ పత్రాలు దాఖలు చేసేందుకు ఉరుకులు పరుగులు పెడుతూ కలెక్టరేట్‌కు చేరుకున్నారు. ఇందుకు సంబందించిన వీడియోలు సోషల్ మీడియాలో వైరల్‌గా మారాయి.

ఫిబ్రవరి 11వ తేదీ వరకు నామినేషన్ వేసేందుకు సమయం ఉన్నప్పటికీ.. శుక్రవారం నామినేషన్ పత్రాలు సమర్పించేందుకు వచ్చిన ఉపేంద్ర తివారీ.. ఆ రోజు సమయం ముగుస్తుండటంతో రిటర్నింగ్ అధికారి కార్యాలయంలోకి పరుగెత్తుకుంటూ వెళ్లారు.

#WATCH | UP Sports Minister Upendra Tiwari sprinted to Collectorate Office in Ballia y'day as he was running late to file his nomination. Y'day nominations were scheduled to be filed by 3 pm & the minister was running late, nomination process still ongoing#UttarPradeshElections pic.twitter.com/99HSIPHwoA

— ANI UP/Uttarakhand (@ANINewsUP) February 5, 2022

సెక్యూరిటీ సిబ్బంది కూడా మంత్రి వెంట పరుగులు తీశారు. నామినేషన్ దాఖలుకు మరో మూడు నిమిషాలు ఉండగా తన పత్రాలను అందజేశారు. సమయాభావం కావడంతోనే పరుగెత్తాల్సి వచ్చిందని మంత్రి ఉపేంద్ర తివారీ తెలిపారు.

English summary

UP polls: BJP minister Upendra Tiwari 'runs' to file nomination papers.