కాంగ్రెస్‌లోకి వాజపేయి మేనకోడలు, సోనియాతో భేటీ

By Srinivas

Published: Thursday, February 27, 2014, 11:11 [IST]

న్యూఢిల్లీ: భారతీయ జనతా పార్టీ అగ్రనేత, మాజీ ప్రధానమంత్రి అటల్ బిహారి వాజపేయి మేనకోడలు, మాజీ పార్లమెంటు సభ్యురాలు కరుణ శుక్లా కాంగ్రెసు పార్టీలో చేరుతున్నారు. ఆమె గత ఏడాది భారతీయ జనతా పార్టీకి రాజీనామా చేశారు. ఇప్పుడు కాంగ్రెసు పార్టీలో చేరాలని నిర్ణయించుకున్నారు. గురువారం కాంగ్రెస్ కండువా కప్పుకోనున్నారు.

ఏఐసిసి అధ్యక్షురాలు సోనియా గాంధీ సమక్షంలో ఆమె కాంగ్రెసు పార్టీ తీర్థం పుచ్చుకుంటున్నారు. కరుణ శుక్లా బుధవారం సోనియాతో భేటీ అయ్యారు. లోకసభ ఎన్నికలకు ముందు శుక్లా... సోనియాను కలిసి కాంగ్రెసు పార్టీలో చేరుతానని చెప్పడం గమనార్హం.

బిజెపి తనను పక్కన పెడుతుందనే ఆవేదనతో ఆమె గత ఏడాది రాజీనామా చేశారు. శుక్లా బిజెపి మహిళా మోర్చా జాతీయ అధ్యక్షురాలిగా పని చేశారు. తనకు బిజెపి ప్రాధాన్యత ఇవ్వడం లేదని భావించి ఆమె అప్పుడు తన రాజీనామా లేఖను పార్టీ అధ్యక్షులు రాజ్‌నాథ్ సింగ్‌కు పంపించారు.

Published On February 27, 2014