కరుణానిధి మరణం: విజయ్‌కాంత్ తీవ్ర భావోద్వేగం, ఏడ్చేశారు(వీడియో)

చెన్నై: తమిళనాడు దివంగత మాజీ ముఖ్యమంత్రి కరునానిధి మరణంతో తమిళనాడు శోకసంద్రంలో మునిగిపోయింది. రాజకీయ, సినీ ప్రముఖులు కరుణానిధికి నివాళులర్పించి కన్నీటిపర్యాంతమయ్యారు. అంత్యక్రియలకు లక్షలాదిగా తరలివచ్చిన అభిమానులు కన్నీటివీడ్కోలు పలికారు.

కాగా, కరుణానిధి మరణంతో ప్రముఖ నటుడు, డీఎండీకే అధినేత విజయ్‌కాంత్ కూడా తీవ్ర భావోద్వేగానికి గురయ్యారు. కరుణానిధి మృతి పట్ల విజయ్‌కాంత్, ఆయన సతీమణి ప్రేమలత దిగ్భ్రాంతి వ్యక్తం చేశారు.

వీడియో ద్వారా కరుణానిధి కుటుంబానికి సంతాపం తెలుపుతూ విజయ్‌కాంత్ తీవ్ర భావోద్వేగానికి గురై వెక్కి వెక్కి ఏడ్చారు. ఒక దశలో విజయ్‌కాంత్ తన కన్నీటిని ఆపుకోలేక.. వీడియో తీయడం ఆపేయాలని కోరారు.

ఈ వీడియో ఇప్పుడు సోషల్ మీడియాలో వైరల్‌గా మారింది. కరుణ మృతి విజయ్ కాంత్‌ను ఎంత వేదనకు గురిచేసిందో ఈ వీడియో తెలుపుతోంది అంటూ నెటిజన్లు వ్యాఖ్యానిస్తున్నారు.

విజయ్‌కాంత్ మనసు ఎంత మంచిదోనంటూ ఆయన అభిమానులు వ్యాఖ్యానించారు. కాగా, 'కళైంజ్ఞర్ లేని లోటు తీర్చలేనిది. ఆయన కుటుంబానికి, డీఎంకే పార్టీకి ప్రగాఢ సానుభూతి తెలియజేస్తున్నా' అని విజయ్ కాంత్ ట్విట్టర్‌లో పోస్టు చేశారు.

English summary

Actor-turned-politician Vijayakanth has mourned the demise of the Dravida Muttera Kazhagam (DMK) party president M Karunanidhi, who passed away on Tuesday evening after prolonged illness. He was 94. In an emotional video message, Vijayakanth and wife Premalatha have offered condolences to the family and party members of the DMK. Talking about his rapport with Kalaignar, Vijayakanth burst into tears.