కరోనావైరస్ బాధితులకు అత్యవసర సాయం అందించే ఎన్జీవోలను ఈ భారతీయ చట్టం ఎందుకు అడ్డుకుంటోంది
గత ఏడాది కరోనా మొదటి వేవ్ సమయంలో కేంద్ర ప్రభుత్వం 'విదేశీ విరాళాల నియంత్రణ చట్టం' (ఎఫ్సీఆర్ఏ)లో సవరణలు తీసుకు వచ్చింది.
ఆ మేరకు భారత్లో పనిచేస్తున్న ప్రభుత్వేతర సంస్థలు దేశంలోని ఇతర స్వచ్ఛంద సంస్థలకు, గ్రూపులకు విదేశీ సహాయాన్ని పంపిణీ చేయలేవు.
అంతే కాకుండా, విదేశాల నుంచి వచ్చిన నిధులన్నిటినీ రాజధాని దిల్లీలో ఒక ప్రత్యేక బ్యాంకు ఖాతాలో జమ చేయాలి.
"పారదర్శకతను పెంచేందుకు, విదేశీ నిధుల దుర్వినియోగాన్ని నియంత్రించేందుకు ఈ సవరణలను అమలులోకి తీసుకువచ్చినట్లు" అప్పట్లో కేంద్ర ప్రభుత్వం తెలిపింది.
ఈ చట్టం ప్రజల ప్రాణాలకు దుర్భరంగా మారిందని 'ది యాంట్' ఎన్జీవో సహ వ్యవస్థాపకులు జెన్నిఫర్ లైంగ్ అభిప్రాయపడ్డారు.
దిల్లీలో బ్యాంకు ఖాతా తెరవలేకపోయిన కారణంగా విదేశాల నుంచి వచ్చిన ఆక్సిజన్ కాన్సంట్రేటర్లను అవసరమైన వారికి పంపిణీ చేయలేకపోతున్నామని, ప్రభుత్వానికి కూడా అందించలేకపోతున్నామని ఆమె తెలిపారు.
కరోనా రెండో దశలో భారత్ తీవ్ర వైద్య సంక్షోభాన్ని ఎదుర్కొంటోంది. కోవిడ్ కారణంగా రెండున్నర లక్షలకు పైగా మరణాలు సంభవించాయని ప్రభుత్వ గణాంకాలు చెబుతున్నాయి.
కానీ వాస్తవంలో అంతకు 30 రెట్లు ఎక్కువమంది మరణించి ఉంటారని నిపుణులు అంచనా వేస్తున్నారు. దేశంలోని అనేక ఆస్పత్రులు కోవిడ్ రోగులతో నిండిపోయాయి. ఆక్సిజన్ కొరత తీవ్రంగా ఉంది.
- ఆక్సిజన్ కాన్సంట్రేటర్ అంటే ఏంటి... ఇది కోవిడ్ రోగుల ప్రాణాలు కాపాడగలదా?
- దిల్లీ ఆస్పత్రుల్లో ఆక్సిజన్ కొరత.. ప్రమాదంలో కోవిడ్ రోగుల ప్రాణాలు..
ఎఫ్సీఆర్ఏ నిబంధనలు:
- ఎన్జీవోలు, స్వచ్ఛంద సంస్థలు ముందే ఎఫ్సీఆర్ఏ కింద తమ సంస్థలను నమోదు చేసుకోవాలి.
- విదేశాల నుంచి వచ్చే నిధులను దిల్లీలో ప్రభుత్వం నిర్దేశించిన స్టేట్ బ్యాంక్ శాఖలలో జమ చేయాలి.
- ఇకపై ఎన్జీఓలు విదేశీ విరాళాలను (డబ్బు, సామగ్రి) ఇతర స్వచ్ఛంద సంస్థలకు పంపిణీ చేయలేవు. సబ్కాంట్రాక్ట్ పద్ధతిని నిషేధించారు.
నిధుల పంపిణీ చుట్టూ ఉన్న క్లిష్టమైన నిబంధనల కారణంగా కోవిడ్ సహాయాన్ని అందించడంలో అనవసరమైన జాప్యం జరుగుతోందని ఎన్జీవోలు ఆందోళన వ్యక్తం చేస్తున్నాయి.
ఎన్జీఓల సహాయాన్ని అంగీకరించడాన్ని ఈ చట్టం నేరం కింద జమ కడుతోందని ఆమ్నెస్టీ ఇండియా డైరెక్టర్ ఆకార్ పటేల్ అన్నారు.
"కోవిడ్పై పని చేస్తున్నా కూడా, ఈ చట్టాన్ని అతిక్రమించకుండా విదేశీ సహాయాన్ని అందుకోవడం చాలా కష్టమై పోయింది" అని ఆయన అన్నారు.
విదేశీ నిధుల పట్ల ప్రధాని నరేంద్ర మోదీ అనుమానాస్పదంగా ఉన్నారని రిపోర్టులు చెబుతున్నాయి. గతంలో, 'ప్రధాన స్రవంతి స్వచ్ఛంద సంస్థల కారణంగా ఆర్థిక వృద్ధి నిలిచిపోతోంది' అని ఆయన ఆరోపించారు.
- ఆంధ్రప్రదేశ్: కోవిడ్ పేషెంట్లు ఆక్సిజన్ లేక చనిపోతున్నారు... ఎవరు దీనికి బాధ్యులు?
- భారత్లో కోవిడ్ వ్యాక్సీన్ కొరత, రిజిస్ట్రేషన్ ప్రక్రియలో గందరగోళం... ఈ పరిస్థితికి కారణమేంటి?
ఈ చట్టం ప్రభుత్వానికి వ్యతిరేకంగా మాట్లాడుతున్నవారి నోళ్లు నొక్కేస్తోందని మానవ హక్కుల లాయరు ఝుమా సెన్ అన్నారు.
ఏదైనా ఎన్జీవో సభ్యుడు నిరసనల్లో పాల్గొంటే ఆ ఎన్జీవో ఎఫ్సీఆర్ను రద్దు చేస్తున్నారని ఆయన తెలిపారు. అయితే, బీజేపీ నేత నరేంద్ర తనేజా ఈ చట్టాన్ని బలంగా సమర్థిస్తున్నారు.
"ఈ చట్టం గురించి పార్లమెంటులో చర్చ జరిగింది. ఇది పార్లమెంట్లో ఆమోదం పొందింది. ఇతర దేశాలు మా చట్టాలను గౌరవిస్తాయని ఆశిస్తున్నాం. మాకు సార్వభౌమాధికారం ఉంది" అని ఆయన అన్నారు.
కోవిడ్ సంక్షోభం అంతకంతకూ పెరిగిపోతున్న నేపథ్యంలో ఈ చట్టం కారణంగా గ్రామీణ ప్రాంతాల్లో పని చేస్తున్న ఎన్జీవోలు నష్టపోతాయని,పెద్ద సంస్థల నుంచి నిధులు, మద్దతు లేకుండా ఈ చిన్న సంస్థలు నడవడం కష్టమనే ఆందోళనలు వ్యక్తం అవుతున్నాయి.
కోవిడ్ మహమ్మారితో పోరాడుతున్న క్లిష్ట పరిస్థితుల్లో ప్రభుత్వ అజమాయిషీ పెరగడం వల్ల కలిగే జాప్యం చాలా నష్టాన్ని చేకూరుస్తుందని ఎన్జీవోలు హెచ్చరిస్తున్నాయి.
ఇవి కూడా చదవండి:
- కరోనా సెకండ్ వేవ్: ఆక్సిజన్ సరఫరాలో మోదీ ప్రభుత్వం ఎందుకు విఫలమవుతోంది
- ముంబై మోడల్ ఆక్సిజన్ సరఫరా అంటే ఎలా ఉంటుంది? తెలుగు రాష్ట్రాలు దాని నుంచి నేర్చుకోవాల్సింది ఏంటి?
- కోవిడ్ వ్యాక్సినేషన్: రెండు రకాల టీకాలు వేసుకున్నవారిలో 'మైల్డ్ సైడ్ ఎఫెక్ట్స్' పెరిగాయి: ఆస్ట్రాజెనెకా అధ్యయనం
- కరోనావైరస్: కేంద్ర ఆరోగ్య శాఖను నితిన్ గడ్కరీకి ఇవ్వాలా.. దీనిపై ఎందుకు చర్చ మొదలైంది
- కరోనావైరస్: చైనాకు పాకిన ఇండియన్ వేరియంట్ B1617.. హై అలర్ట్ ప్రకటించిన అధికారులు
- కోవిడ్ వ్యాక్సీన్: టీకా తీసుకున్నా వైరస్ సోకడం దేనికి సూచిక.. వ్యాక్సినేషన్కు ఇది సవాలుగా మారనుందా
- కోవిడ్: కలవరపెడుతున్న రంజాన్ షాపింగ్.. ఇసుకేస్తే రాలనట్లుగా పాతబస్తీ రోడ్లు
- కోవిడ్-19: DRDO కనిపెట్టిన '2-DG' ఔషధం కరోనావైరస్ను ఎదుర్కొనే బ్రహ్మాస్త్రం కాబోతోందా?
- 'మా ఆసుపత్రిలో ఆక్సిజన్ అందక 25 మంది చనిపోయారు.. ఏమీ చేయలేకపోయాను’
- కరోనావైరస్: సెకండ్ వేవ్లో పిల్లలు, యువతకు ఎక్కువగా వైరస్ సోకుతోందా?
- కోవిడ్: ప్రోనింగ్ అంటే ఏమిటి.. కరోనా రోగులకు ఆక్సిజన్ అవసరమైనప్పుడు ఈ పద్ధతితో ప్రాణాలు కాపాడవచ్చా
- కోవిడ్ టెస్ట్లకు వాడిన కిట్లను శుభ్రం చేసి తిరిగి విక్రయిస్తున్న ముఠా అరెస్ట్
- కరోనా వైరస్ సర్వే: మన శరీరంలో యాంటీబాడీస్ ఉంటే వైరస్ మళ్లీ సోకదా?
(బీబీసీ తెలుగును ఫేస్బుక్, ఇన్స్టాగ్రామ్, ట్విటర్లో ఫాలో అవ్వండి. యూట్యూబ్లో సబ్స్క్రైబ్ చేయండి.)