పీఎఫ్‌ ఖాతాదారులకు శుభవార్త! ఇకనుంచి వాటి అవసరం లేదు!!

ఉద్యోగుల భవిష్యనిధి సంస్థ గురువారం తన ఖాతాదారులకు ఓ శుభవార్త చెప్పింది. అనారోగ్యం పాలైనపుడు చికిత్సకు అవసరమైన నగదు కోసం స్వీయ ప్రకటన సరిపోతుందని వెల్లడించింది.

By Ramesh Babu

Published: Friday, April 28, 2017, 0:33 [IST]

న్యూఢిల్లీ: తన ఖాతాదారులకు ఉద్యోగుల భవిష్యనిధి సంస్థ గురువారం ఓ శుభవార్త చెప్పింది. ఖాతాదారులు అనారోగ్యం పాలైనపుడు చికిత్సకు అవసరమైన నగదు కోసం ఇతరత్రా ధ్రువీకరణపత్రాలు ఇవ్వాల్సిన అవసరం లేదని, స్వీయ ప్రకటన సరిపోతుందని వెల్లడించింది.

ఈ మేరకు ఈనెల 25న కార్మికశాఖ నోటిఫికేషన్‌ జారీ చేసింది. ఇదివరకు వైద్య ఖర్చుల కోసం ఖాతాదారులు తాము పనిచేస్తున్న సంస్థ నుంచి ఆమోదం పొందినట్లు లేఖ లేదా మెడికల్‌ సర్టిఫికెట్‌ జత చేయాల్సి వచ్చేది.

తాజా నిర్ణయంతో పీఎఫ్‌ ఖాతాదారులకు ఆ ఇబ్బందులు తప్పాయి. 'ప్రభుత్వం తీసుకున్న నిర్ణయంతో ఖాతాదారులకు మేలు జరగనుంది. ఇకపై తమ ఖాతా నుంచి నగదును పొందడానికి వారు ఎలాంటి ధ్రువపత్రాలు సమర్పించాల్సిన అవసరం లేదు' అని ఈపీఎఫ్‌వో కమిషనర్‌ వి.పి.జాయ్‌ చెప్పారు.

Published On April 28, 2017