ఉగ్రవాది ఆత్మాహుతి దాడి.. 18 మంది మృతి

నైరుతి పాకిస్తాన్ లోని బలూచిస్తాన్ ప్రావిన్సులో ఉన్న సూఫీ టెంపుల్ వద్ద గురువారం ఓ ఉగ్రవాది ఆత్మాహుతి దాడికి పాల్పడ్డాడు. ఈ ఘటనలో 18 మంది అక్కడికక్కడే ప్రాణాలు కోల్పోగా 27 మంది తీవ్రంగా గాయపడ్డారు.

బలూచిస్తాన్: నైరుతి పాకిస్తాన్ లోని బలూచిస్తాన్ ప్రావిన్సులో ఉన్న సూఫీ టెంపుల్ వద్ద గురువారం ఓ ఉగ్రవాది ఆత్మాహుతి దాడికి పాల్పడ్డాడు. ఈ ఘటనలో 18 మంది అక్కడికక్కడే ప్రాణాలు కోల్పోయారు. మరో 27 మంది తీవ్రంగా గాయపడ్డారు.

ఝల్ మగ్బీ టెంపుల్ ప్రాంగణంలో ఈ ఉగ్రదాడి జరిగింది. ఉన్నట్లుండి పెద్ద పెట్టున పేలుడు సంభవించడంతో ప్రజలు భయభ్రాంతులకు గురయ్యారు. ఓ ఉగ్రవాది భక్తుడిలా సూఫీ టెంపుల్ పరిసరాల్లో సంచరించడంతో పోలీసులకు అనుమానం వచ్చింది.

పోలీసులు అతడిని నిలువరించే ప్రయత్నం చేయడంతో ఆ ఉగ్రవాది తనను తానే పేల్చేసుకున్నాడు. ఈ ఘటనలో ఓ పోలీస్‌ కానిస్టేబుల్‌ మృతిచెందడంతో పాటు మరో ఇద్దరు కానిస్టేబుళ్లకు గాయాలైనట్లు అధికారులు తెలిపారు.

అయితే దాడికి పాల్పడింది తామేనని ఇంత వరకు ఏ ఉగ్రవాద సంస్థ ప్రకటించుకోలేదు. మసీదులను టార్గెట్ చేసే తాలిబన్లే ఈ దాడికి పాల్పడి ఉంటారని భావిస్తున్నారు.

English summary

A suicide attacker blew himself up outside a Sufi shrine in southwest Pakistan Thursday, killing 18 people and wounding at least 27 others, officials said, as Muslims attended annual celebrations of a local saint. The incident follows a deadly bomb attack on the same shrine in the oil and gas rich Balochistan province in 2005, which killed 35 people. "A suicide bomber blew himself up after he was intercepted by police guards on duty outside the shrine, killing 18 people including three children under the age of 12 and two policemen, and wounding at least 27 others, 14 of them seriously," provincial home secretary Akbar Harifal said.