ఇండోనేషియాలో భూకంపం: ప్రకంపనలతో పరుగులు తీసిన జనం

జకార్తా: టర్కీ-సిరియా భూకంప పెను విధ్వంసం మరువకముందే ఇండోనేషియాలో తాజాగా భూ ప్రకంపనలు చోటు చేసుకున్నాయి. ఇండోనేషియాలోని ఉత్తర సులవేసి ప్రావిన్స్‌లో శనివారం 6.0 తీవ్రతతో భూకంపం సంభవించింది. అయితే ఎటువంటి ఆస్తి నష్టం లేదా ప్రాణనష్టం సంభవించలేదని విపత్తు ఏజెన్సీ అధికారులు తెలిపారు.

భూకంప ప్రకంపనలు సునామీని ప్రేరేపించలేదని దేశ వాతావరణ శాస్త్రం, వాతావరణ శాస్త్రం, జియోఫిజిక్స్ ఏజెన్సీ పేర్కొన్నాయి.

ఈ భూకంపం స్థానిక కాలమానం ప్రకారం శనివారం సాయంత్రం 15:55 గంటలకు సంభవించింది. దీని భూకంప కేంద్రం తలాడ్ ద్వీపంలోని మెలోంగువాన్ ఉప జిల్లాకు ఆగ్నేయంగా 37 కిమీ దూరంలో, సముద్రగర్భం కింద 11 కిమీ లోతులో ఉందని ఏజెన్సీ తెలిపింది.

ఉత్తర సులవేసి ప్రావిన్స్‌కు చెందిన డిజాస్టర్ మేనేజ్‌మెంట్ అండ్ మిటిగేషన్ ఏజెన్సీ హెడ్ జోయి ఒరోహ్ జిన్హువాతో మాట్లాడుతూ.. భూకంపం వల్ల ఎటువంటి ఆస్తి నష్టం లేదా ప్రాణనష్టం జరగలేదన్నారు.

తాలౌడ్ ద్వీపంలో ప్రకంపనలు బలంగా అనిపించాయి. దీంతో ప్రజలు తమ నివాసాల నుంచి బయటికి పరుగులు తీశారు. అయితే, భూకంప తీవ్రత తక్కువగా ఉండటంతో ఎలాంటి ఆస్తి, ప్రాణ నష్టం జరగకపోవడంతో ప్రజలు, అధికారులు ఊపిరిపీల్చుకున్నారు.

'మేము ప్రతి ఉప జిల్లాలో ప్రమాదాలను తనిఖీ చేశాము, ఇప్పటివరకు భూకంపం వల్ల ఆస్తి నష్టం లేదా ప్రాణనష్టం గురించి ఎటువంటి నివేదికలు లేవు' అని విపత్తు నిర్వహణ, రిలీఫ్ ఏజెన్సీ కార్యాచరణ విభాగం అధిపతి జాబ్స్ లిండా తెలిపారు.

English summary

6.0-magnitude earthquake jolts off North Sulawesi, Indonesia.