‘ఆ క్షణంలో.. అలా అనిపించింది..’, కూతురు గురించి తీవ్ర భావోద్వేగానికి గురై ఒబామా!

తన కూతురు మలియాను కాలేజీ చదువు నిమిత్తం ఇంటినుంచి పంపిస్తున్నప్పుడు అమెరికా మాజీ అధ్యక్షుడు బరాక్ ఒబామా తీవ్ర భావోద్వేగానికి లోనయ్యారట. ఈ విషయాన్ని స్వయంగా ఆయనే వెల్లడించారు.

వాషింగ్టన్ : తన పెద్ద కూతురు మలియాను కాలేజీ చదువు నిమిత్తం ఇంటినుంచి పంపిస్తున్నప్పుడు అమెరికా మాజీ అధ్యక్షుడు బరాక్ ఒబామా తీవ్ర భావోద్వేగానికి లోనయ్యారట. ఈ విషయాన్ని స్వయంగా ఆయనే వెల్లడించారు.

బ్యూ బిడెన్ ఫౌండేషన్‌ కార్యక్రమంలో పాల్గొన్న సందర్భంగా ఒబామా మాట్లాడుతూ... ఆ క్షణంలో తనకు డాక్టర్లు ఓపెన్ హార్ట్ సర్జరీ చేస్తున్నట్లుగా అనిపించిందంటూ వ్యాఖ్యానించారు.

''నా పెద్ద కూతురు మలియాను ఇటీవల ఉన్నత చదువుల నిమిత్తం హార్వర్డ్‌కు పంపాను. యూనివర్సిటీలో తనను చేర్పించి తిరిగొచ్చే సమయంలో తనకు బై చెబుతుంటే నాకు ఓపెన్ హార్ట్ సర్జరీ చేస్తున్నారన్న ఫీలింగ్ కలిగింది. తండ్రులందరికీ అలాగే ఉంటుదని నేను భావిస్తున్నాను..'' అంటూ ఒబామా ఎంతో ఉద్విగ్నతతో చెప్పారు.

అంతేకాదు, ''మలియాకు తండ్రిగా చాలా గర్వపడుతున్నాను. ఆ సమయంలో కూతురి ముందు కన్నీరు పెట్టుకోలేదు. నా కూతుళ్లు మలియా, సాశా నాకు మంచి స్నేహితులు. వారిలో ఒకరు నానుంచి కాస్త దూరంగా వెళ్లిపోతున్నారు. కానీ నాకెందుకో చాలా దిగులుగా ఉంది. అయితే కొంతకాలం తర్వాత మా జీవితంలో వారే సంతోషం నింపుతారన్న నమ్మకం నాకుంది..'' అంటూ ఒబామా పేర్కొన్నారు.

గతంలో చికాగోలో జరిగిన వీడ్కోలు సమావేశంలో కూడా ఒబామా మాట్లాడుతూ.. ''మీకు తండ్రిని అయినందుకు చాలా సంతోషంగా ఉంది..'' అంటూ మలియా, సాశాలనుద్దేశించి చెప్పారు. అధ్యక్షుడిగా ఉన్న సమయంలోనూ ఒబామా తన పిల్లల పట్ల ఓ సాధారణ తండ్రిగా వ్యవహరించి దేశ ప్రజల అభిమానాన్ని చూరగొన్నారు.

English summary

Despite leading a country for eight years, Barack Obama is surprisingly not immune to expressing human emotions. While at an event for the Beau Biden Foundation Monday, the former president opened up about all the feelings he has experienced on the journey towards becoming an empty nester now that Malia has headed off to Harvard. "For those of us who have daughters, it just happens fast," he said. "I dropped off Malia at college, and I was saying to Joe and Jill [Biden] that it was a little bit like open-heart surgery," he explained. "I was proud that I did not cry in front of her," Obama continued. "But on the way back, the Secret Service was off looking straight ahead, pretending they weren't hearing me as I sniffled and blew my nose. It was rough."