టీం జో బిడెన్: వైట్హౌస్లోకి క్యాంపెయిన్ మేనేజర్.. డిప్యూటీ చీఫ్ ఆఫ్ స్టాఫ్ పదవీ...
అమెరికా అధ్యక్ష ఎన్నికల్లో జో బిడెన్ విజయం సాధించడంలో జెన్ ఓ మాల్లీ డిల్లాన్ కీ రోల్ పోషించారు. ఓటర్లకు అనుగుణంగా వ్యుహాలు రచించి.. అమలు చేశారు. ఇందులో సక్సెస్ అయ్యారు. అయితే ఆమెకు కీలకమైన పదవీ కట్టబెడతారనే ప్రచారం జరుగుతోంది. పరిపాలనలో డిప్యూటీ చీఫ్ ఆఫ్ స్టాఫ్ పదవీ అప్పగిస్తారని సీఎన్ఎన్ మీడియా వర్గాల ద్వారా తెలిసింది. వైట్ హౌస్ నియామకాలకు సంబంధించి ఈ న్యూస్ తాజాదని ఎన్బీసీ న్యూస్ పేర్కొన్నది.
గత మార్చిలో బిడెన్ టీమ్లో జెన్ చేరారు. క్యాంపెయిన్ మేనేజర్గా సమర్థవంతంగా పనిచేశారు. బిడెన్కు ప్రచారంలో రాజకీయ శత్రువుల నుంచి మాటలయుద్ధానికి తిప్పికొట్టడంలో జెన్ వ్యుహాలు పనికొచ్చాయి. అయితే గతవారం మాత్రం చీఫ్ ఆఫ్ స్టాప్ పోస్టులో రాన్ క్లెయిన్ పేరు వినిపించింది. ఆమెను చీఫ్ ఆఫ్ స్టాఫ్గా ఎంపిక చేశారు. క్లెయిన్కు డిప్యూటీగా జెన్ వ్యవహరించనున్నారు.
అంతకుముందు సాధారణ జాబ్ చేసే జెన్.. తర్వాత క్యాంపెయిన్ విభాగంలో అడుగిడారు. తర్వాత దానిపై కూడా ఇంట్రెస్ట్ చూపించలేదు. కానీ బిడెన్ ప్రచారంలో మాత్రం దూకుడు ప్రదర్శించారు. ఇప్పుడు వైట్ హౌస్లో కీలక పదవీ దక్కించుకోబోతున్నారు. డెమోక్రటిక్ నేషనల్ కమిటీ ఎగ్జిక్యూటివ్ డైరెక్టర్, డెమోక్రటిక్ కన్సల్టింగ్ ప్రెసిషన్ స్ట్రాటజీస్ వద్ద కూడా ఆమె ఇదివరకు పనిచేశారు.