Click it and Unblock the Notifications
Just In
కరోనావైరస్: టిక్‌టాక్ వీడియోలకు, కోవిడ్ వ్యాక్సీన్‌కు ఏమిటి సంబంధం?
సైన్స్, టిక్‌టాక్ కలిసి సాగుతాయని మీరు ఊహించి ఉండకపోవచ్చు. కానీ, కరోనావైరస్ అనే చీకటి సొరంగానికి మరో చివర వ్యాక్సీన్ అనే వెలుగు కనిపిస్తుండడంతో ఈ రెండూ ముఖ్యమైన భాగస్వాములుగా మారాయి.
అవును, టీకాల అభివృద్ధిలో పాలుపంచుకుంటున్న శాస్త్రవేత్తలు ఆ టీకాలు ఎంత సురక్షితమో చెప్పడానికి, వాటి గురించి సమాచారం ప్రజలకు అందించడానికి టిక్‌టాక్‌ను సాధనంగా మార్చుకుంటున్నారు.
''వినోదం కోసం ఇక్కడకు రండి.. కానీ, సైన్స్‌కి కట్టుబడండి అనేది టిక్ టాక్ విషయంలో నా వైఖరి’’ అన్నారు రేడియో 1 న్యూస్‌బీట్‌తో మాట్లాడిన డాక్టర్ అన్నా బ్లాక్నీ. అన్నా అమెరికాకు చెందినవారు.
లండన్ ఇంపీరియల్ కాలేజీలో కోవిడ్ వ్యాక్సీన్ అభివృద్ధి చేస్తున్న బృందంలో ఆమె కూడా ఉన్నారు.
- కరోనావైరస్: భారతదేశంలో కొంతమందికే కోవిడ్-19 వ్యాక్సీన్ ఇస్తారా?
- కరోనావైరస్: జంతువుల నుంచి మనుషులకు సోకింది ఇలాగేనా? శాస్త్రవేత్తల 'డిటెక్టివ్ కథ’
వ్యాక్సీన్ గురించి వివరాలు అందిస్తూ ఆమె టిక్‌టాక్‌లో పెట్టిన వీడియోలతో బాగా పాపులర్ అయ్యారు.
30 ఏళ్ల అన్నాకు ఇప్పుడు టిక్ టాక్‌లో 2 లక్షల మంది ఫాలోవర్లు ఉన్నారు. ఆమె వీడియోలను 28 లక్షల మంది లైక్‌ చేశారు.
'సైన్స్‌ను మరింతగా నమ్మండి’టిక్‌టాక్‌లో మరో సైన్స్ స్టార్ డాక్టర్ విల్ బడ్. లండన్‌లో వివిధ వ్యాక్సీన్ల అభివృద్ధి కార్యక్రమాల్లో పాలుపంచుకుంటున్న రీసెర్చ్ డాక్టర్ ఆయన.
టీకాల సమాచారం ప్రజలకు అందించడం.. వారిలోని మీమాంసను తొలగించడమే తన లక్ష్యమని 26 ఏళ్ల విల్ చెప్పారు.
''ఇవన్నీ సరదా వీడియోలు. 50 నుంచి 60 సెకన్ల నిడివి ఉంటాయి.
వీటి ఆధారంగా ప్రజలు టీకాల సమాచారం తెలుసుకోవడంతో పాటు సైన్స్‌ను మరింతగా నమ్మే అవకాశం ఉంటుంది’’ అన్నారు విల్.
2016లో మూత్రపిండాల మార్పిడి శస్త్రచికిత్స చేయించుకున్న విల్ కరోనావైరస్ కారణంగా తొలుత లాక్‌డౌన్ విధించినప్పుడు ఇల్లు కదలలేదు.
కరోనావైరస్ భయం ఎలా ఉంటుందో ఆయనకు తెలుసు.ప్రజలు తాము తల దూర్చలేని విషయాల గురించి ప్రజలు భయపడుతున్నారనీ ఆయనకు తెలుసు.
''నేను అలాంటివారికి సాయం చేయాలనుకుంటున్నాను. నా నుంచి సమాచారం పొందిన తరువాత టీకా వేయించుకోవాలో వద్దో వారో నిర్ణయించుకుంటారు’’ అంటారు విల్.
- కరోనావైరస్: హంతక మహమ్మారిపై శాస్త్రవేత్తల వేటలో వెలుగు చూసిన నిజాలేమిటి?
- కరోనా కాలంలో విడాకులు, బ్రేకప్‌లు ఎందుకు పెరుగుతున్నాయి
టిక్‌టాక్‌లో సమాధానమిచ్చే ప్రశ్నలువిల్, అన్నాలకు ప్రజల నుంచి అనేక రకాల ప్రశ్నలు వస్తుంటాయి.
టీకా ఎంత వేగంగా అందుబాటులోకి వస్తుంది.. టీకా సురక్షితమేనా వంటి ప్రశ్నలు ఎక్కువగా వస్తాయి.
''వ్యాక్సీన్ ఎలా పనిచేస్తుంది.. మందులతోపోల్చితే వ్యాక్సీన్ ఎంతవేగంగా పనిచేస్తుంది.. వేర్వేరు వ్యాక్సీన్ల మధ్య వ్యత్యాసం వంటివి వివరిస్తాం’’ అన్నారు విల్.
ఇదంతా పోకడల గురించేసంక్లిష్టమైన శాస్త్రీయ సమాచారాన్ని చిన్న వీడియోలో ఉంచడానికి ప్రయత్నించడం సవాలే. అయినా, విల్ , అన్నాలు ఎలా చేస్తున్నారు?'
'టిక్‌టాక్ ట్రెండ్స్ అనుసరించి టీకా లేదా సైన్స్ థీమ్‌తో ప్రయత్నిస్తాం’’ అని అన్నా చెప్పారు.
విల్ చేసిన వీడియోల్లో డ్యాన్స్ చేస్తూ టీకా గురించి వివరించింది ఎక్కువ వ్యూస్ సొంతం చేసుకుంది.
సింగర్ డాలీ పార్టన్ వ్యాక్సీన్ రీసెర్చ్ కోసం విరాళం ఇచ్చిన తరువాత ఆమెతో కలిసి అన్నా చేసిన వీడియో‌కు భారీగా వ్యూస్ వచ్చాయి.
విల్ తన వీడియోల్లో ఒకట్రెండు ముఖ్యాంశాలు చెబుతారు. గ్రాఫ్ కానీ న్యూస్ స్టోరీ కానీ బ్యాక్‌గ్రౌండ్‌గా వాడుతూ తాను చెప్పాల్సిన సమాచారాన్ని వివరంగా చెబుతారు.
''చూసేవాళ్లకు బోర్ కొట్టకుండా వారిని ఎంగేజ్ చేసేలా వీడియోలు రూపొందిస్తాను’’ అన్నారు విల్.
ప్రజలు అడిగే అనేక ప్రశ్నలకు ఓపిగ్గా సమాధానం చెప్పాల్సి ఉంటుందని వారంటారు.
''ప్రశ్నలు అడిగేవారితో వాదనకు దిగకుండా, ఉద్వేగాలకు లోను కాకుండా ఉండాలి. అలాకాకపోతే చెప్పాల్సింది చెప్పలేం. వాస్తవాలతో జవాబు చెప్పాల్సి ఉంటుంది’’ అన్నారు విల్, అన్నా.
''ప్రస్తుత తప్పుడు సమాచారం, ఫేక్ న్యూస్ కాలంలో పూర్తి వాస్తవాలతో ప్రజల సందేహాలకు సమాధానమిస్తూ వారిని చైతన్యపరచడం నా పని’’ అన్నారు అన్నా.
టిక్‌టాక్ మంచి సాధనంగా కనిపిస్తోంది నాకు.. ఇంకా చాలామంది సైంటిస్టులు ఈ పనిచేస్తే బాగుంటుంది అంటున్నారు అన్నా.
ఇవి కూడా చదవండి:
- అర్బన్ ఎకో ఫార్మింగ్: విశాఖలో వీకెండ్స్‌లో సాఫ్ట్‌వేర్ ఉద్యోగులు ఎలా వ్యవసాయం చేస్తున్నారు?
- యూరినరీ ఇన్‌కాంటినెన్స్: మహిళల్లో మూత్రం లీకయ్యే సమస్యకు కారణాలేంటి...
- నంద్యాల ఆటో డ్రైవర్ అబ్దుల్ సలాం కుటుంబం అంతా ఎందుకు ఆత్మహత్య చేసుకుంది?
- చంద్రుడిపై ఎర్ర జెండా పాతిన చైనా.. ప్రపంచంలో రెండో దేశం
- వ్యాపారం కోసం వచ్చి ఇండియాలో మారణహోమం సాగించిన కంపెనీ కథ
- బ్రిటిష్ వారిని గడగడలాడించిన టిప్పు సుల్తాన్ కథ ఎలా ముగిసిందంటే...
- ఆస్తుల గొప్పలు చెప్పుకోరు... సెక్స్ గురించి సహజంగా మాట్లాడుకుంటారు
(బీబీసీ తెలుగును ఫేస్‌బుక్, ఇన్‌స్టాగ్రామ్‌, ట్విటర్‌లో ఫాలో అవ్వండి. యూట్యూబ్‌లో సబ్‌స్క్రైబ్ చేయండి.)
