ఘోర ప్రమాదం.. 40 మంది సజీవ దహనం..ఎక్కడంటే..?

మెక్సికోలో ఘోర ప్రమాదం జరిగింది. మెక్సికోలోని సౌత్ స్టేట్ టబాస్కోలో ఓ బస్సును ట్రక్కు ఢీకొట్టింది. దీంతో బస్సులో ఒక్కసారిగా మంటలు చెలరేగాయి. ఈ ఘటనలో 40 మందికిపైగా సజీవదహనం అయ్యారు. మరికొంతమందికి తీవ్ర గాయాలయ్యాయి. బస్సు కాన్ కన్ నుంచి టబాస్కో వెళ్తుండగా ఈ ప్రమాదం జరిగింది.

సమాచారం తెలుసుకున్న స్థానిక అధికారులు హుటాహుటిన ఘటనాస్థలికి చేరుకున్నారు. క్షతగాత్రులను అంబులెన్స్ లో స్థానిక ఆస్పత్రికి తరలించారు.ప్రమాద సమయంలో బస్సులో 48 మందికిపైగా ఉన్నట్లు సమాచారం. ఈ ప్రమాదంలో బస్సులోని ఇద్దరు డ్రైవర్లతోపాటు.. ట్రక్కు డ్రైవర్ కూడా మృతి చెందాడు.

ఈ ఘటనపై కోమల్ కాల్కో మేయర్ ఓవిడియో పెరల్టా స్పందించారు. " ఈ ఘటనపై నేను క్షమాపణలు చెబుతున్నాను. బస్సు కాన్ కన్ నుంచి టబాస్కో వెళ్తుండగా ప్రమాదం జరిగింది. మృతుల కుటుంబాలకు నా ప్రగాఢ సానుభూతి తెలియజేస్తున్నా. క్షతగాత్రులకు అవసరమైన వైద్య సహాయం అందిస్తున్నాం. ప్రమాదం సమాచారం తెలిసిన వెంటనే నా సిబ్బందిని ఘటనా స్థలికి పంపించాను. ఎమర్జెన్సీ సేవలు కొనసాగుతున్నాయి." అని అన్నారు.

మృతిచెందిన వారి అవశేషాల్లో ఇప్పటివరకు 18మందిని గుర్తించామని.. మరికొంతమందిని గుర్తించే పనిలో ఉన్నామని ఓ అధికారి తెలిపారు. ఈ ఘటనపై కేసు నమోదు చేసి..పూర్తి స్థాయిలో దర్యాప్తు చేపట్టినట్లు పేర్కొన్నారు.

English summary

A fatal road accident took place in Tabasco, Mexico. More than 40 people were burnt alive when a truck collided with a bus. Some others were seriously injured