ఇంటర్నెట్ క్రాష్: అమెజాన్, న్యూయార్క్ టైమ్స్ సహా ప్రముఖ వెబ్సైట్లు డౌన్, గందరగోళం
వాషింగ్టన్: ప్రపంచ వ్యాప్తంగా మంగళవారం ఉదయం పలు దేశాల్లో ఒక్కసారిగా ఇంటర్నెట్కు భారీ అంతరాయం ఏర్పడింది. దీంతో అనేక ప్రముఖ వెబ్సైట్లు, సోషల్ మీడియా ఫ్లాట్ఫాంలు పనిచేయకుండా పోయాయి. అయితే, దీనికి అమెరికాకు చెందిన ఫాస్ట్లీ క్లౌడ్ కంప్యూటింగ్ సర్వీసెస్ ప్రొడైవర్ కారణమని ప్రాథమికంగా నిర్ధారించారు.
Recommended Video
ఏయే వెబ్సైట్లు దీని ప్రభావానికి గురయ్యాయనేది పూర్తి వివరాలు తెలియాల్సి ఉంది.
ఆ వెబ్సైట్ల ప్రకారం.. 'మా సిడిఎన్ సేవలతో వాటి పనితీరుపై ఎంత ప్రభావం ఉంది" అనేదానిపై పరిశీలిస్తున్నట్లు ఫాస్ట్లీ పేర్కొంది. ఫాస్ట్లీ పరిధిలోని చాలా ప్రాంతాల్లో తక్కువ పనితీరును కనబరుస్తున్నాయని అంతర్జాతీయ మీడియా వెల్లడించింది.
రిటైల్ వెబ్సైట్ అమెజాన్.కామ్ ఇన్క్ కూడా డౌన్ అయ్యిందని తెలిసింది. అయితే, దీనిపై అమెజాన్ ఇప్పటి వరకు స్పందించలేదు. దాదాపు 21వేల రెడిట్ యూజర్లు, సోషల్ మీడియా వినియోగదరులు సమస్య ఎదుర్కొన్నట్లు తెలుస్తోంది. డౌన్ డెటెక్టర్.కామ్ ప్రకారం.. 2వేల మంది అమెజాన్తో సమస్యను ఎదుర్కొన్నట్లు తెలిపింది.
ఫైనాన్షియల్ టైమ్స్, ది గార్డియన్, ది న్యూయార్క్ టైమ్స్, బ్లూమ్బర్గ్ న్యూస్ కూడా ఇంటర్నెట్ అంతరాయం సమస్యను ఎదుర్కొనడం గమనార్హం. అసలు ఏం జరిగిందో తెలియక ఆందోళకు గురయ్యారు. అయితే, ప్రస్తుతం ఇంటర్నెట్ సేవల్లో కొంత పురోగతి కనిపించినట్లు సమాచారం.
Click it and Unblock the Notifications
Sign in with Google