జాన్ మెకాఫీ: తొలి యాంటీ-వైరస్ సృష్టికర్త స్పెయిన్ జైలులో అనుమానాస్పద మృతి - Newsreel
యాంటీ వైరస్ సాఫ్ట్వేర్ సృష్టికర్త జాన్ మెకాఫీ బార్సెలోనా జైలు గదిలో మృతి చెందారు. పన్ను ఎగవేత అభియోగాలు ఎదుర్కొంటున్న మెకాఫీని అమెరికాకు అప్పగించడానికి స్పెయిన్లోని ఒక కోర్టు అంగీకరించిన కొన్ని గంటల్లోనే ఆయన చనిపోయారు.
మెకాఫీని బతికించేందుకు జైలు వైద్యులు ప్రయత్నించినప్పటికీ లాభం లేకపోయిందని కేటలాన్ న్యాయ విభాగం తెలిపింది.
మెకాఫీ ఆత్మహత్య చేసుకున్నట్లు "ఆధారాలు సూచిస్తున్నాయని" ఒక ప్రకటనలో తెలిపారు.
ప్రపంచానికి తొలి కమర్షియల్ యాంటీ-వైరస్ సాఫ్ట్వేర్ను అందించిన సంస్థ మెకాఫీ.
మెకాఫీ తయారు చేసిన 'వైరస్స్కాన్' కంప్యూటర్ ప్రపంచంలో వందల కోట్ల యాంటీ వైరస్ సాఫ్ట్ వేర్ వ్యాపారానికి నాంది పలికింది. తరువాత దాన్ని టెక్ దిగ్గజం ఇంటెల్ 760 కోట్ల డాలర్లకు కొనుగోలు చేసింది.
జాన్ మెకాఫీ 2020 అక్టోబర్లో స్పెయిన్ నుంచి టర్కీకి వెళ్తుండగా పోలీసులు అరెస్ట్ చేశారు.
కన్సల్టింగ్ వర్క్, ప్రసంగాలు, క్రిప్టోకరన్సీ, తన జీవిత కథ హక్కుల అమ్మకం ద్వారా కోట్లు సంపాదించినప్పటికీ నాలుగేళ్లుగా పన్నులు ఎగ్గొట్టారని ఆయనపై కేసు నమోదు చేశారు.
మెకాఫీ తన ఆదాయాన్ని నామినీల బ్యాంకు ఖాతాల్లోనూ, క్రిప్టోకరెన్సీ మార్పిడి ఖాతాల్లోనూ జమ చేయడం ద్వారా పన్ను ఎగవేసినట్లు అమెరికా జస్టిస్ డిపార్ట్మెంట్ ఆరోపించింది.
వివిధ ఆస్తులు, ఓ విహార నౌక, రియల్ ఎస్టేట్ ఆస్తి మొత్తాన్ని దాచిపెట్టారని, ఇతరుల పేర్లపై రిజిస్టర్ చేశారని ఆరోపించారు.
ఈ కేసును విచారించే అధికారాన్ని స్పెయిన్ జాతీయ కోర్టు బుధవారం అమెరికాకు అప్పగించింది.
తనను వ్యూహాత్మకంగా కేసుల్లో ఇరికించేందుకు ప్రయత్నిస్తున్నారని గత కొన్నేళ్లుగా మెకాఫీ ఆరోపిస్తూనే ఉన్నారు.
అయితే, అలాంటి ఆరోపణలకు ఎలాంటి ఆధారాలు లేవని కోర్టు తెలిపినట్లు స్పానిష్ వార్తాపత్రిక ఈఎల్ పెయిస్ తెలిపింది.
ఇంగ్లండ్లోని గ్లౌసెస్టర్షైర్లో జన్మించిన ఈ పారిశ్రామికవేత్త 1980లలో తన సొంత సాంకేతిక సంస్థను స్థాపించి, మెకాఫీ వైరస్స్కాన్ను కనిపెట్టనప్పుడు తొలిసారి వెలుగులోకి వచ్చారు.
అయితే, తన సొంత కంప్యూటర్లలో మెకాఫీగానీ, మరి ఏ ఇతర యాంటీ-వైరస్ సాఫ్ట్వేర్గానీ వాడనని ఓసారి ఆయన బీబీసీకి తెలిపారు.
"ఐపీ అడ్రస్ ఎప్పటికప్పుడు మారుస్తూ, వైరస్ వస్తుందని అనుమానమొచ్చే సైట్ల జోలికి పోకుండా నన్ను నేను కాపాడుకుంటూ ఉంటాను. ఉదాహరణకు పోర్న్ సైట్ల జోలికి ఎప్పుడూ పోను" అని 2013లో బీబీసీ టెక్నాలజీ రిపోర్టర్ లియో కెలయన్కు మెకాఫీ తెలిపారు.
2019లో మెకాఫీ పన్నుల పట్ల వ్యతిరేక వ్యక్తం చేస్తూ, తాను ఎనిమిదేళ్లుగా టాక్స్ రిటర్న్స్ ఫైల్ చేయలేదని, ఎందుకంటే "పన్నులు విధించడం అక్రమం" అని ట్వీట్ చేశారు.
అదే ఏడాది, ఆయుధాలను దేశంలోకి రవాణా చేస్తున్నారన్న ఆరోపణలతో ఆయనను డొమినిక్ రిపబ్లిక్లో కొన్నాళ్లు నిర్బంధించారు.
ఇవి కూడా చదవండి:
- కశ్మీర్ రాజకీయ నాయకులతో నేడు నరేంద్ర మోదీ సమావేశం.. తర్వాత ఏం జరగబోతోంది
- డెల్టా ప్లస్: ఈ కోవిడ్-19 కొత్త వేరియంట్కు ప్రపంచం భయపడాల్సిందేనా
- మియన్మార్: ఆంగ్ సాన్ సూచీపై అత్యంత తీవ్రమైన అభియోగాలు
- గ్రహాంతరవాసులు ఉన్నారా....పెంటగాన్ విడుదల చేయబోయే రిపోర్టులో ఏముంది?
- అయోధ్య: రామ మందిరం ట్రస్ట్ భూముల కొనుగోళ్లలో అక్రమాలు జరిగాయా? - బీబీసీ గ్రౌండ్ రిపోర్ట్
- మిల్ఖా సింగ్: కోవిడ్ అనంతర సమస్యలతో చనిపోయిన భారత ప్రఖ్యాత అథ్లెట్
- టవోలారా: ప్రపంచంలోనే అతిచిన్న సామ్రాజ్యమిది.. ఇక్కడ ఎంతమంది నివసిస్తారో తెలుసా?
- మియన్మార్: ''43 మంది పిల్లలను సైన్యం చంపేసింది''
- రష్యా-అమెరికా చర్చల గురించి సైబర్ ముఠాలకు భయమే లేదా?
- 'బాబా కా ధాబా' కాంతా ప్రసాద్ ఆరోగ్యం విషమం... దర్యాప్తు చేస్తున్న పోలీసులు
- నిరసనకారులపై కాల్పులు జరిగిన రోజు రాత్రి విందులో పాల్గొన్న మియన్మార్ ఆర్మీ జనరల్స్
- కిమ్ జోంగ్ ఉన్: 'అమెరికాతో 'చర్చలకు, ఘర్షణకు' ఉత్తర కొరియా రెడీ అవుతోంది'
- ఆన్లైన్ వీడియో టెక్ వ్యాపార సామ్రాజ్యాన్ని జయించిన ఇరానీ మహిళ
- మియన్మార్లో 'సరోంగ్ విప్లవం’: మహిళలు నడుముకు కట్టుకునే 'సరోంగ్' వస్త్రం.. నిరసనకారుల ఆయుధంగా మారిన వైనం
- జీ 7: రెవెన్యూ ఆర్జించే చోటే పన్నులు వసూలుచేసే ఒప్పందానికి పచ్చజెండా
(బీబీసీ తెలుగును ఫేస్బుక్, ఇన్స్టాగ్రామ్, ట్విటర్లో ఫాలో అవ్వండి. యూట్యూబ్లో సబ్స్క్రైబ్ చేయండి.)