ఇరాన్ లో ఎటు చూసినా..

నిన్నటివరకు నివురు గప్పిన నిప్పులా ఉంటూ వచ్చిన ఇరాన్- ఇజ్రాయెల్ సంక్షోభం ఇప్పుడు ఒక్కసారిగా భగ్గుమంది. ఇరాన్ పై ఇజ్రాయెల్ భీకర దాడికి దిగింది. ఏకంగా ఆ దేశ రాజధాని టెహ్రాన్ పై మిస్సైళ్లు, డ్రోన్ బాంబులతో విరుచుకుపడుతోంది. అమెరికాతో కలిసి ఇజ్రాయెల్ ప్రారంభించిన జాయింట్ ఆపరేషన్ ఇది. టెహ్రాన్ లో వరుస పేలుళ్లు సంభవిస్తోన్నాయి. దట్టమైన పొగలు ఆ నగరాన్ని ఆవరించింది. ఎప్పుడేం జరుగుతుందో, ఎక్కడ ఏ బాంబు పడుతుందో తెలియని పరిస్థితులు నెలకొన్నాయి.

ఊహించని ఈ ఘటనతో ఇరాన్ ఉలిక్కిపడింది. ప్రాణాలను అరచేతిలో పట్టుకుని బిక్కు బిక్కుమంటూ గడుపుతున్నారు అక్కడి జనం. ఇరాన్ రాజధాని టెహ్రాన్ డౌన్‌టౌన్‌లో భారీ పేలుడు జరిగి దట్టమైన పొగ అలముకుంది. పలు చోట్ల పేలుడు శబ్దాలు వినిపించాయి. అమెరికా-ఇరాన్ అణు చర్చల మధ్య ఈ ఘటన ప్రాంతీయ ఉద్రిక్తతలను మరింత తీవ్రతరం చేసింది. ఇజ్రాయెల్ రక్షణ మంత్రి ఈ దాడులను ధృవీకరించారు కూడా. ప్రీవెంటివ్ మిస్సైల్ అటాక్ ను ప్రారంభించినట్లు తెలిపారు.

మొత్తం 30 నుంచి 40 ప్రాంతాలపై దాడులు జరిగాయి. ఆ దేశాధ్యక్షుడి భవనం, సైన్యనాధికారుల కార్యాలయాలు/నివాసాలు, సీక్రెట్ ఏజెన్సీ ఆఫీసులు, అంతర్జాతీయ విమానాశ్రయాలు.. ఇవన్నీ కూడా ఈ జాబితాలో ఉన్నాయి. ఈ దాడుల నేపథ్యంలో ఇరాన్, ఇరాక్, ఇజ్రాయెల్, గాజా, లెబనాన్ దేశాల గగనతలాన్ని మూసివేశారు. పౌర విమానాలేవీ కూడా అక్కడ తిరుగాడట్లేదు. టెహ్రాన్‌లో పేలుళ్ల శబ్దాలు వినిపించిన వెంటనే పైలట్లకు తక్షణమే హెచ్చరికలు జారీ అయ్యాయి.

సైనిక విమానాల కోసం మాత్రమే గగనతలాన్ని తెరిచి ఉంచారు. టెహ్రాన్ నగర వీధులన్నీ కూడా చెల్లాచెదురుగా కనిపించాయి. జనం సురక్షిత ప్రాంతాలకు తరలి వెళ్లారు. అక్కడి వరకే పరిమితం కాలేదీ దాడులు. ఇరాన్ సుప్రీం లీడర్ అయతొల్లా అలీ ఖమేనీ అధికారిక నివాసం సమీపంలోనూ సంభవించాయి.

گزارش‌ها و تصاویر دریافتی از 'شنیده شدن صدای جنگنده و سه انفجار حوالی مرکز #تهران، شنبه ۹ اسفند'#Iran #Tehran #Israel pic.twitter.com/0k7sS0dRBV

— Vahid Online (@Vahid) February 28, 2026

హైసెక్యూరిటీ జోన్ గా పరిగణించే ఈ ప్రాంతం మొత్తం కూడా బాంబు పేలుళ్లతో అట్టుడికి పోయింది. ఖమేని అండర్ గ్రౌండ్ లోకి వెళ్లిపోయారు. ఆయన ఎక్కడ ఉన్నారనేది తెలియరావట్లేదు. టెహ్రాన్ విడిచి వెళ్లినట్లు ప్రాథమికంగా అందిన సమాచారాన్ని బట్టి తెలుస్తోంది. టెహ్రాన్‌లో పేలుళ్లు, పొగలు ఆకాశంలోకి ఎగిసిపడుతున్న దృశ్యాలు వైరల్ అయ్యాయి.

Breaking: Israel has launched an attack on Iran. 💥

Is this the beginning of a protracted war?

Will Iran retaliate?

Will the US join in? pic.twitter.com/FvOKB3tEQn

— S.L. Kanthan (@Kanthan2030) February 28, 2026

English summary

Iran and Iraq have shut their airspace and barred civilian flights after the US and Israel launched Operation Shield of Judah against Iran, targeting key government sites in Tehran.