ప్యారిస్‌లో జనంపై ఒక్కసారిగా కాల్పులు: ముగ్గురు మృతి, పలువురికి గాయాలు

ప్యారిస్: ఫ్రాన్స్ రాజధాని నగరం ప్యారిస్‌లో ఓ ముష్కరుడు కాల్పులకు తెగబడ్డాడు. అతడు జరిపిన కాల్పుల్లో ముగ్గురు మరణించగా, పదుల సంఖ్యలో గాయపడ్డారు. ప్యారిస్‌లోని 10వ అరోండిస్‌మెంట్‌లోని రూ డీ
ఎన్‌గిన్‌లోని కుర్దిష్ సాంస్కృతిక కేంద్రంలో ఈ కాల్పుల ఘటన చోటు చేసుకుంది.

పోలీసులు అనుమానిత సాయుధుడిని అరెస్టు చేసినట్లు ఫ్రెంచ్ టెలివిజన్ నెట్‌వర్క్ బీఎఫ్ఎం టీవీ వెల్లడించింది. హంతకుడు 70 ఏళ్ల వ్యక్తి అని సమాచారం. 'కాల్పులు జరిపిన వ్యక్తిని ఆయుధంతో అరెస్టు చేశాం. ప్రమాదం ముగిసింది' అని పోలీసులు తెలిపారు. నిందితుడు ఎందుకు కాల్పులు జరిపాడనే విషయం ఇంకా తెలియరాలేదు.

సెలూన్లో కాల్పులు జరిపిన వ్యక్తిని పోలీసులు అరెస్టు చేసినట్లు ప్రత్యక్ష సాక్షి ఒకరు తెలిపారు. ఒక్కసారిగా కాల్పుల ఘటన జరగడంతో అక్కడి ప్రజలంతా భయాందోళనలకు గురయ్యారు. సాయం చేయాలని పోలీసుల కోసం అరిచారని తెలిపారు. కాల్పుల్లో పలువురు గాయపడ్డారని చెప్పారు.

ప్రస్తుతం కాల్పులు జరిగిన ప్రాంతానికి ప్రజలు వెళ్లకూడదని పోలీసులు తెలిపారు. కాల్పుల ఘటనలో గాయపడినవారందరినీ ఆస్పత్రులకు తరలించి చికిత్స అందిస్తున్నట్లు పోలీసులు తెలిపారు. ఘటనపై దర్యాప్తు ప్రారంభించినట్లు స్థానిక అధికారులు తెలిపారు.

Paris: French media reports at least 2 dead in a shooting in the 10th arrondissement. There are some reports the perpetrator - a man in his 60s - targeted a Kurdish cultural centre on rue D’Enghien.

pic.twitter.com/yVxZqKQ72E

— Holly Johnston (@h0llyjohnston) December 23, 2022

రద్దీగా ఉన్న ప్రాంతంలో కాల్పుల ఘటన చోటు చేసుకోవడంతో రాజధానిలో ఈ ఘటన కలకలం రేపింది. నిందితుడు సుమారు పది రౌండ్ల వరకు కాల్పులు జరిపాడని సమీపంలోని ఒక దుకాణదారుడు తెలిపారు.

🇫🇷
🚨قبيل قليل🚨في باريس ، في شارع إنغين ، فتح رجل يبلغ من العمر 60 عامًا النار.

تم القبض على مطلق النار.

بحسب آخر التقارير الإعلامية ، أسفر إطلاق النار الذي وقع في باريس عن مقتل شخصين وإصابة 4 آخرين.

Paris Shooting: 60-year-old man opens fire in French capital (BFMTV) pic.twitter.com/O9TQcpyX0C

— ⭐ Index Hakeem 🟣⭐ (@hakrashaa) December 23, 2022

కాగా, 2015లో ఫ్రాన్స్ రాజధానిలో జరిగిన వరుస బాంబు దాడులు, కాల్పుల్లో 130 మంది మరణించగా, 490 మందికి పైగా గాయపడ్డారు.
నవంబర్ 13, 2015 రాత్రి నేషనల్ స్పోర్ట్స్ స్టేడియం వెలుపల ఆత్మాహుతి బాంబర్లు దాడి చేశారు. ఈ దాడికి ఇస్లామిక్ స్టేట్ బాధ్యత వహించింది. ఈగల్స్ ఆఫ్ డెత్ మెటల్ రాక్ సంగీత కచేరీ సందర్భంగా బాటాక్లాన్ థియేటర్ వద్ద తుపాకీ దాడిలో 90 మంది మరణించారు.

English summary

Mass Shooting In French Capital Paris, Three Dead, Several Injured.