• search
  • Live TV
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

లష్కరే చీఫ్ లఖ్వీకి 15 ఏళ్ల జైలు -పాకిస్తాన్ ఉగ్రవాద నిరోధక కోర్టు కీలక తీర్పు

|

ప్రపంచంలోనే అత్యంత ప్రమాదకరమైన ఉగ్రవాద సంస్థ లష్కరే తోయిబా ఆపరేషన్స్ చీఫ్, 26/11 ముంబై దాడుల సూత్రధారి జకీ ఉర్‌ రెహ్మాన్‌ లఖ్వీకి సొంత దేశం పాకిస్తాన్ లోనే భారీ ఎదురుదెబ్బ తగిలింది. స్వయంగా ఉగ్రవాద కలాపాలకు పాల్పడుతుండటంతోపాటు ఉగ్ర చర్యలకు ఆర్థిక సహకారం కూడా అందిస్తున్నాడని నిర్ధారణ కావడంతో లఖ్వీని భారీ శిక్ష పడింది.

లష్కరే చీఫ్ జకీఉర్ రహమాన్ లఖ్వీకి పాకిస్తాన్ ఉగ్రవాద నిరోధక కోర్టు 15 సంవత్సరాల జైలు శిక్ష విధించింది. ఈ మేరకు శుక్రవారం ఉత్తర్వులు వెలువడినట్లు పాక్ మీడియా పేర్కొంది. ఉగ్రవాదులకు నిధులు సమకూరుస్తున్నాడన్న ఆరోపణలపై లఖ్వీని పాక్‌ ఉగ్రవాద వ్యతిరేక పోలీస్‌ విభాగం (సీటీడీ) గత శనివారం అరెస్టు చేసింది. వారంలోనే కోర్టులో శిక్షలు కూడా ఖరారు కావడం గమనార్హం.

 Mumbai Attack Mastermind Zaki-ur-Rehman Lakhvi Gets 15 Years Jail In Pakistan

2008లో ముంబై నగరంపై దాడులకు పాల్పడిన తర్వాత లష్కరే చీఫ్ లఖ్వీని.. ఐక్యరాజ్యసమితి ప్రపంచ ఉగ్రవాదుల జాబితాలో చేర్చింది. అనంతరం లఖ్వీని పాక్‌ పోలీసులు అరెస్టు చేశారు. ఆరు సంవత్సరాల జైలు శిక్ష అనంతరం.. 2015లో రావల్పిండి జైలు నుంచి బెయిల్‌పై విడుదలయ్యాడు. తర్వాతి కాలంలో..

పేదలకు వైద్య సహాయం ముసుగులో ఒక డిస్పెన్సరీని నడుపుతోన్న లఖ్వీ దాని మాటున ఉగ్రవాద చర్యలకు, ఉగ్రవాదులకు నిధులును అందిస్తున్నట్లు సీటీడీ గుర్తించింది. ఉగ్రవాద సంస్థలకు సంబంధించిన ఆర్థిక లావాదేవీల విషయమై లాహోర్‌లో నమోదైన కేసు ఆధారంగా స్పెషల్ ఆపరేషన్ నిర్వహించి, ఆ సంస్థకు ఆర్థికంగా సాయం చేస్తున్న లఖ్వీని పట్టుకున్నామని పాక్ పోలీసులు వెల్లడించారు.

English summary
Lashkar-e-Taiba's Zakiur Rehman Lakhvi, mastermind of 26/11 Mumbai terror attack, was on Friday sentenced to 15 years in jail by an anti-terrorism court in Pakistan, according to the country's media. Lakhvi was arrested over terror financing charges six days ago. The LeT commander, who was out on bail since 2015, was arrested by Punjab province's Counter-Terrorism Department (CTD) and a case was registered in a Lahore police station.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X