దారుణం: తెలియకుండా నాలుగో పెళ్లి చేసుకొని నటిని కాల్చి చంపేశాడు

కరాచి: ఖైబర్ ఫక్తుంక్వాలో దారుణం జరిగంది. పాకిస్తాన్‌కు చెందిన నటి, గాయకురాలు రేష్మను నాలుగో పెళ్లి చేసుకున్న భర్త ఆమెను దారుణంగా హత్య చేశాడు. ఈ సంఘటన నౌషెరా కలాన్ ప్రాంతంలో చోటు చేసుకుంది.

ఆమెను భర్త చంపినట్లు పోలీసులు తెలిపారు. జియో టీవీ వివరాల మేరకు.. ఏడాది క్రితం రేష్మాకు ఖైబర్‌ పక్తుంఖ్వా ప్రాంతానికి చెందిన ఓ వ్యక్తితో వివాహమైంది. అతనికి అప్పటికే మూడు పెళ్లిళ్లు అయ్యాయి. రేష్మాకు అంతకు ముందు పెళ్లిళ్ల విషయం చెప్పలేదు. చెప్పకుండానే నాలుగో వివాహం చేసుకున్నాడు.

ఈ విషయం ఇటీవల రేష్మాకు తెలిసింది. దీంతో భర్తతో గొడవపడింది. హకీమాబాదులో ఉంటున్న తన సోదరుడి వద్దకు వెళ్లిపోయింది. తనతో కలిసి కాపురం చేయడం లేదని రేష్మపై భర్తకు కోపం వచ్చింది. దీంతో హకీమాబాదులో ఆమె ఉంటున్న ఇంట్లోకి వెళ్లి విచక్షణారహితంగా కాల్పులు జరిపాడు. దీంతో ఆమె అక్కడికి అక్కడే మృతి చెందింది. అనంతరం అక్కడి నుంచి పారిపోయాడు. పోలీసులు కేసు నమోదు చేసుకుని దర్యాప్తు చేస్తున్నారు.

English summary

In a shocking piece of news, Pakistani singer-actress Reshma has been shot dead allegedly by her husband in Nowshera Kalan area. The incident took place in Pakistan's Khyber Pakhtunkhwa province in the Nowshera Kalan area.