చమురు ఉత్పత్తి బంద్ ? కీలక నిర్ణయం దిశగా గల్ఫ్- ప్రపంచదేశాలకు ఖతార్ వార్నింగ్..!

ఇరాన్ (iran)పై ఇజ్రాయెల్-అమెరికా యుద్దం ప్రారంభించిన గల్ఫ్ దేశాల్లో చోటు చేసుకుంటున్న పరిణామాలు ప్రపంచవ్యాప్తంగా ఆందోళన కలిగిస్తున్నాయి. ముఖ్యంగా ఖమేనీ హత్య తర్వాత ఇరాన్ జరుపుతున్న ప్రతీకార దాడుల్లో గల్ఫ్ దేశాల్లోని అమెరికా బేస్ లకు తీవ్ర నష్టం వాటిల్తుతోంది. దీంతో పాటు ఆయా దేశాల్లోని చమురు ఉత్పత్తిదారులు కూడా తీవ్రంగా నష్టపోతున్నారు. ఇందులో సౌదీ దిగ్గజం ఆరామ్కోతో పాటు పలు సంస్థలు ఉన్నాయి. దీంతో గల్ఫ్ లో చమురు ఉత్పత్తి నిలిచిపోనుంది.

ఇరాన్ దాడుల నేపథ్యంలో మరికొన్ని రోజుల్లో చమురు ఉత్పత్తిని నిలిపేయాలని గల్ఫ్ దేశాల్లోని చమురు ఉత్పత్తిదారులు సంచలన నిర్ణయం తీసుకున్నట్లు తెలుస్తోంది. త్వరలోనే ఇది అమల్లోకి రానుంది. దీని ప్రభావం కచ్చితంగా చాలా దేశాలపై పడబోతోంది. ఈ నేపథ్యంలో ఖతార్ (qatar) ఇంధన మంత్రి మధ్యప్రాచ్యంలో యుద్ధం ప్రపంచ ఆర్థిక వ్యవస్థలను కుప్పకూల్చవచ్చని హెచ్చరించారు. గల్ఫ్ ఇంధన ఎగుమతిదారులందరూ కొన్ని రోజుల్లో ఉత్పత్తిని నిలిపివేసి, చమురు ధరలను బ్యారెల్‌కు $150కి పెంచవచ్చని తెలిపారు.

ఇరాన్ డ్రోన్ దాడి దాని అతిపెద్ద ద్రవీకృత సహజ వాయువు ప్లాంట్‌ను తాకిన తర్వాత ఖతార్ దాని సాధారణ డెలివరీ చక్రాన్ని పునరుద్ధరించడానికి వారాల నుండి నెలలు పడుతుందని ఇంధన మంత్రి సాద్ అల్-కాబి తెలిపారు. గల్ఫ్ ప్రాంతంలోని అన్ని ఎగుమతిదారులు ఫోర్స్ మేజ్యూర్‌కు పిలుపునివ్వాల్సి ఉంటుందని ఆయన వెల్లడించారు. వారు అలా చేయకపోతే ఏదో ఒక సమయంలో దానికి చట్టబద్ధంగా బాధ్యత చెల్లించాల్సి ఉంటుందన్నారు. ప్రపంచంలోని రెండవ అతిపెద్ద ఎల్ఎన్జీ ఉత్పత్తిదారు అయిన ఖతార్.. ఈ వారం దాని రాస్ లఫాన్ యూనిట్ లో సమ్మె తర్వాత మూసేసింది. దీని ప్రభావం ఇప్పటికే కనిపిస్తోంది.