హిందూ గుడిని తిరిగి నిర్మించండి: పాక్కు సుప్రీం
ఇస్లామాబాద్: పాకిస్థాన్లోని కరాత్ జిల్లాలోని ఖైబర్ పఖ్తున్ఖ్వ ప్రాంతంలో నేలకూల్చిన హిందూ దేవాలయాన్ని పునర్నిర్మించాలని ఆ దేశ అత్యున్నత న్యాయస్థానం ప్రభుత్వానికి ఆదేశాలు జారీ చేసింది. ఈ కేసును విచారించిన సుప్రీం కోర్టు చీప్ జస్టిస్ జవాద్ ఎస్ ఖావాజా నేతృత్వంలోని ముగ్గురు సభ్యుల ధర్మాసనం ఈ మేరకు తీర్పిచ్చిందని 'డాన్' పత్రిక ఓ కథనాన్ని ప్రచురించింది.
హోంశాఖ కార్యదర్శి అరబ్ మహమ్మద్ ఆరిఫ్, పీఎంఎల్-ఎన్ ఎంఎన్ఎ పార్టీ నేత రమేష్ కుమార్ వాంక్వానీ, కరాక్ డిప్యూటీ కమిషనర్ షోయబ్ జాదూన్లు కలసి చర్చించి శ్రీ పరమహంస జీ మహరాజ్ దేవాలయాన్ని తిరిగి కట్టే విషయమై నిర్ణయం తీసుకోవాలని సుప్రీం కోర్టు అదేశించింది.
ఎట్టి పరిస్థితుల్లోనూ హిందూ దేవాలయాన్ని తిరిగి పునర్నిర్మించాలని తేల్చి చెప్పింది. ఈ దేవాలయాన్ని పునర్నిర్మించానికి లాహోర్ మార్కెట్లో చుట్టుపక్కల ప్రాంతాలు దెబ్బతినకుండా దేవాలయాన్ని పునర్నిర్మించిన ఆర్కిటెక్చర్ కమిల్ ఖాన్ సలహాలు తీసుకోవాలని సూచించింది.
కేసు తదుపరి విచారణను సెప్టెంబర్ 7కు వాయిదా వేస్తూ, ఈ లోగా దేవాలయ వివరాలను తెలియజేయాలని అదేశించింది. 1919లో శ్రీ పరమహంస మరణించిన ఈ స్ధలంలో ఆయన శిష్యులు మందిరం నిర్మించగా, 1997 వరకూ అక్కడ పూజలు జరిగాయి. ఆ తర్వాత దేవాలయాన్ని కూల్చేయగా, స్థానిక ముఫ్తీ ఇఫ్తికారుద్దీన్ ఆ స్థలాన్ని ఆక్రమించుకున్నాడు.
Click it and Unblock the Notifications
Sign in with Google