Russia Ukraine War: కార్ల మీద చైనా జెండా ఉంటే సేఫ్, ఉక్రెయిన్ లో చైనీయులకు సలహా!

Updated: Thursday, February 24, 2022, 19:18 [IST]

ముంబాయి: ఉక్రెయిన్ మీద రష్యా బాంబుల దాడి చేస్తున్న సమయంలో అక్కడి చైనా విదేశాంగ అధికారులు రంగంలోకి దిగారు. ఉక్రెయిన్ లో ఉంటున్న చైనీయులు జాగ్రత్తగా ఉండాలని, మేము సూచించే వరకు ఇళ్ల నుంచి బయటకు రాకూడదని చైనా విదేశాంగ శాఖ అధికారులు హెచ్చరించారు. చైనీయులు బయట తిరిగే సమయంలో వాళ్ల కార్లు, వాహనాల మీద చైనా జెండాలు తప్పకుండా పెట్టాలని ఆదేశాలు జారీ చేసింది. ఉక్రెయిన్ లో సంచరించే సమయంలో చైనీయులు వారి వాహనాల మీద చైనా జెండాలు కట్టుకుంటే సేఫ్ గా ఉండటానికి అవకాశం ఉంటుందని చైనా బావిస్తోంది.

ఉక్రెయిన్ లో పరిస్థితులు తారుమారైయి

గురువారం ఉదయం ఒక్కసారిగా రష్యా సైనిక బలగాలు రంగంలోకి దిగి ఉక్రెయిన్ మీద బాంబుల వర్షం కురిపించింది. ఒక్కసారిగా యుద్దవాతావరణం నెలకొనడంతో ఉక్రెయిన్ జాతీయులతో పాటు ఆ దేశంలో ఉన్న ఇతర దేశాల ప్రజలు హడలిపోయారు. ఉక్రెయిన్ లో యుద్దం జరుగుతున్న సమయంలో ఆదేశంలో ఉన్న ప్రజలు వారి ప్రాణాలు అరచేతిలో పెట్టుకుని బిక్కుబిక్కుమంటూ గడుపుతున్నారు.

చైనా అధికారులు ఎంట్రీ

ఉక్రెయిన్ మీద రష్యా బాంబుల దాడి చేస్తున్న సమయంలో అక్కడి చైనా విదేశాంగ అధికారులు రంగంలోకి దిగారు. ఉక్రెయిన్ లో ఉంటున్న చైనీయులు జాగ్రత్తగా ఉండాలని, మేము సూచించే వరకు ఇళ్ల నుంచి బయటకు రాకూడదని చైనా విదేశాంగ శాఖ అధికారులు ఉక్రెయిన్ లో ఉన్న చైనీయులను హెచ్చరించారు.

వాహనాల మీద చైనా జెండాలు ఉంటే సేఫ్

చైనీయులు బయట తిరిగే సమయంలో వాళ్ల కార్లు, వాహనాల మీద చైనా జెండాలు తప్పకుండా పెట్టాలని ఆదేశాలు జారీ చేసింది. ఉక్రెయిన్ లో సంచరించే సమయంలో చైనీయులు వారి వాహనాల మీద చైనా జెండాలు కట్టుకుంటే సేఫ్ గా ఉండటానికి అవకాశం ఉంటుందని చైనా బావిస్తోంది.

చైనీయులు అందరూ ఏకం కావాలి

ఉక్రెయిన్ దేశంలోని అన్ని ప్రాంతాల్లో ప్రజలు రోడ్ల మీదకు వచ్చి అల్లర్లకు పాల్పడే అవకాశం ఉందని, ఆ సమయంలో చైనీయులు జాగ్రత్తగా ఉండాలని చైనా రాయబార కార్యాలయం అధికారులు హెచ్చరించారు. ఉక్రెయిన్ లో ఉన్న చైనీయులు అందరూ చైనా అధికారులతో ఎప్పటికప్పుడు టచ్ లో ఉండాలని, తాజా సమాచారం తెలుసుకోవాలని, చైనీయులు అందరూ ఒకరికి ఒకరు సహాయం చేసుకోవాలని చైనా రాయబార కార్యాలయం అధికారులు సూచించారు.