తన మూత్రం తానే తాగుతున్న వ్యక్తి.. ముఖానికి మాయిశ్చరైజర్ గా; అందం కోసమంటూ షాకింగ్!!
మనిషి ఆశాజీవి. దాదాపు ప్రతి మనిషి తన ప్రస్తుత వయస్సు కంటే ఎక్కువ కాలం జీవించాలని, అలాగే యవ్వనంగా కనిపించాలని కోరుకుంటాడు. చాలా మంది అందంగా కనిపించాలని ఆయుర్వేద పద్ధతులను అనుసరిస్తుండగా, మరికొందరు తమను తాము యవ్వనంగా మార్చుకోవడానికి సౌందర్య సాధనాలను ఉపయోగిస్తారు. ఇంగ్లండ్కు చెందిన ఈ 34 ఏళ్ల వ్యక్తి యవ్వనంగా కనిపించేందుకు రోజూ చేస్తున్న పని అందరినీ ఒకింత షాక్ కు గురి చేసింది.
యూరిన్ తాగుతున్న యూకే వ్యక్తి .. యూరిన్ థెరపీ అంటూ ఆసక్తికర విషయాలు
యూకేలోని హాంప్షైర్ కు చెందిన హ్యారీ మటాదీన్ అనే వ్యక్తి, తన మూత్రాన్ని తానే తాగడం తన వయసును పదేళ్లు తగ్గించిందని, తాను అందంగా కనబడుతున్నానని, మూత్రం త్రాగటం వల్ల తన డిప్రెషన్ నయం అయ్యిందని చెప్పాడు. హ్యారీ 2016లో తన మానసిక సమస్యను నయం చేసుకునే ప్రయత్నంలో భాగంగా తన సొంత మూత్రాన్ని తాగడం ప్రారంభించాడు. ఇక యూరిన్ తాగడాన్ని 'యూరిన్ థెరపీ' అంటూ ఆయన పేర్కొన్నారు. తనకు శాంతి, ప్రశాంతత మరియు దృఢ సంకల్పాన్ని ఇవ్వడానికి యూరిన్ థెరపీ సహాయపడిందని ఆయన తెలిపారు.
రోజూ 200ఎంఎల్ మూత్రం తాగుతున్న వ్యక్తి .. ఆరోగ్యం, అందం అంటూ వివరణ
యూరిన్ తాగినప్పుడు అది ఎంత శక్తివంతంగా ఉందో తాను చెప్పలేనని, తాను మూత్రం తాగిన క్షణం నుండి, అది తన మెదడును మేల్కొల్పిందని, తన నిరాశను తొలగించిందని పేర్కొన్నారు. హ్యారీ ప్రతిరోజూ తన స్వంత మూత్రాన్ని 200 మిల్లీ లీటర్లు మాత్రమే త్రాగుతారు. అతని రోజువారీ పానీయం సాధారణంగా నెలవారీ మూత్రంతో పాటు కొంత తాజా మూత్రాన్ని కలిపి తీసుకుంటాడు. అంతే కాదు తన మూత్రం సూపర్ క్లీన్ అంటూ కితాబు ఇచ్చుకున్నాడు.
మూత్రాన్ని ఫేస్ మాయిశ్చరైజర్ గా వాడుతున్న హ్యారీ
వింతగా అనిపించినప్పటికీ, హ్యారీ తన మూత్రం యొక్క వాసన మరియు రుచిని ఇష్టపడతానని చెప్పాడు. ప్రధానంగా అది అతనికి ప్రయోజనాలు ఇస్తుందని ఆనందాన్ని కలిగిస్తోందని పేర్కొన్నారు. అంతేకాదు హ్యారీ తన మూత్రాన్ని ఫేస్ మాయిశ్చరైజర్ గా కూడా ఉపయోగిస్తున్నారు. యూరిన్ థెరపీ వల్ల కలిగే ఆరోగ్య ప్రయోజనాల గురించి ఆసక్తికర విషయాలు చెప్పిన హ్యారీ రోజు మూత్రం తాగడం వల్ల యవ్వనంగా ఉంటామంటూ పేర్కొన్నారు.
రెండు నెలలు నిల్వ చేసిన మూత్రంతో ఆరోగ్య ప్రయోజనాలు అంటున్న హ్యారీ
మూత్రం తాగడం వల్లే చర్మం యవ్వనంగా, మృదువుగా మరియు మెరుస్తూ ఉంటుందన్నారు. నేను ఇప్పటి వరకు కనుగొన్న చర్మ సౌందర్యానికి రెండు నెలలు నిల్వచేసిన మూత్రం ఉత్తమమైందని ఆయన పేర్కొన్నారు. తాను మూత్రం తప్ప మరే ఇతర చర్మ సంరక్షణ చికిత్సలు తీసుకోబోనని హ్యారీ తెలిపారు. ఇక ఇతను మాత్రమే కాదు ఇతను స్నేహితులు చాలామంది'యూరిన్ థెరపీ'లో భాగమని చెప్పడం మరింత షాక్ కు గురి చేసే అంశం.