షాకింగ్ వీడియో- తాలిబన్ మార్క్ శిక్ష-వాహనాల్లో ఊరేగిస్తూ ఉరి-మహిళల్ని కిడ్నాప్, రేప్ చేసినందుకు

ఆప్ఘనిస్తాన్ లో ప్రజా ప్రభుత్వం స్ధానంలో అధికారం చేపట్టిన తాలిబన్లు మహిళలపై అకృత్యాలు చేస్తున్నారని, వారిని పాశ్చాత్య ధోరణులకు దూరంగా ఉంచుతున్నారని, కనీసం విద్యాభ్యాసానికి కూడా అనుమతి ఇవ్వడం లేదనే వార్తలు మనం వింటూనే ఉంటాం. కానీ ఈసారి తాలిబన్లు అదే మహిళల్ని కిడ్నాప్ చేసి అత్యాచారం చేసిన వారికి తమ మార్క్ శిక్షలు రుచి చూపించిన ఘటన ఇప్పుడు ప్రపంచవ్యాప్తంగా కలకలం రేపుతోంది.

ఆప్ఘనిస్తాన్లోని హెరాత్ ప్రావిన్స్ లో మహిళల్ని కిడ్నాప్ చేసి అత్యాచారం చేసినందుకు ఇద్దరు యువకుల్ని వాహనాల్లో ఊరేగిస్తూ ఉరిశిక్ష విధించిన దృశ్యాలు ఒళ్లు గగుర్పొడిచేలా ఉన్నాయి. మరోసారి మహిళల్ని కిడ్నాప్ చేయాలన్నా, అత్యాచారం చేయాలన్నా, కనీసం కన్నెత్తి చూడాలన్నా భయపడేలా తాలిబన్లు షరియా చట్టాల ప్రకారం ఈ శిక్షలు అమలు చేశారు. దీంతో తాలిబన్ల నిర్ణయం ఇప్పుడు ప్రపంచ వ్యాప్తంగా సంచలనం రేపుతోంది.

This is from Herat Province. These men kidnapped women and then rapped them & also tortured the kidnapped women very brutally. The authorities delivered justice to these criminals. https://t.co/SzHPrbFvJ5

— Muhammad Jalal (@MJalal313) November 8, 2021

తాజాగా ఆప్ఘనిస్తాన్ లోని హెరాత్ ప్రావిన్స్ లో చోటు చేసుకున్న ఈ ఘటనకు సంబంధించిన వీడియోలు ఇప్పుడు సామాజిక మాధ్యమాల్లో వైరల్ అవుతున్నాయి. ఇందులో ఇద్దరు యువకుల్ని రెండు వాహనాల్లో తిప్పుతూ ఉరి విధించడం, ఉరి కొయ్యకు వారు వేలాడుతూ గింజుకుంటున్న దృశ్యాలు చూసేందుకే భయపెడుతున్నాయి. వాహనాల్లో ప్రత్యేకంగా ఏర్పాటు చేసిన క్లేన్లకు వీరిని వేలాడదీసి ఉరేసినట్లు తెలుస్తోంది. వాహనాలు కదులుతుండగానే వీరికి ఉరిశిక్ష అమలవుతోంది. బహిరంగంగా రోడ్లపై ఊరేగిస్తూ అమలు చేసిన ఈ ఉరిశిక్షలు ఇప్పుడు ఆప్ఘనిస్తాన్ లోనూ కలకలం రేపుతున్నాయి.

English summary

the taliban government in afghanistan brutally hanging and parade two men for kidnapping women and raped them also.