ఆ చర్చిలో 40వేల ఆస్థిపంజరాలు!(వీడియో)

పరాగ్వే: ఆ చర్చిని చూస్తే భయాందోళనలకు గురికావాల్సిందే. ఎందుకంటే ఆ చర్చి నిండా ఆస్థిపంజరాలే ఉంటాయి. చర్చి నిర్మాణంలో భాగమైనట్లు ఉండే ఆ ఆస్థిపంజరాలను చూస్తే ఎవ్వరైనా కొంత భయానికి గురికావాల్సిందే.

అయితే భయం కలిగించడంతోపాటు అవి ఎంతో ఆకట్టుకునేలా నిర్మాణంలో భాగం చేశారు. సుమారు 40వేల ఆస్థిపంజారాలతో నిర్మించిన ఆ చర్చిని చూడాలంటే చెక్ రిపబ్లిక్ దేశంలోని సెడ్లాక్‌కు వెళ్లాల్సిందే.

1278వ సంవత్సరంలో సెడ్లాక్‌కు చెందిన ఓ వ్యక్తి జెరుసలాం వెళ్లాడు. అతను అక్కడి మట్టిని తెచ్చి ఆ ఊళ్లో చల్లాడు. ఆ పవిత్ర స్థలం శ్మశాన వాటికగా మారింది. దీంతో స్థానికులు అక్కడే శవాలను పాతిపెట్టడం మొదలుపెట్టారు. ఆ సాంప్రదాయం 14వ శతాబ్ధం వరకు కొనసాగింది. అప్పుడే యూరోప్ అంతా ప్లేగ్ ప్రబలింది.

ఆ వ్యాధి వల్ల 30వేల మంది బలయ్యారు. వాళ్లను ఇక్కడే పూడ్చారు. ఆ తర్వాత మతయుద్ధాల వల్ల సెడ్లాక్ ప్రాంతంలో మరో 10వేల మంది చనిపోయారు. వాళ్లను కూడా అక్కడే పాతిపెట్టారు. కాగా, 15వ శతాబ్ధంలో చర్చి నిర్మాణం కోసం శవాలు పాతిపెట్టిన ప్రాంతాన్ని తవ్వారు. 1870 వరకు ఆ అస్థిపంజరాలను ఎవరూ ముట్టుకోలేదు.

ఆ తర్వాత స్థానిక శిల్పితో ఓ అద్భుత కళాఖండాన్ని నిర్మించారు. ఆ చిన్న చర్చిలో ఎముకలు ఎన్నో రూపాల్లో పర్యాటకులను ఆకట్టుకుంటాయి. పుర్రెల దండలు చర్చి సందర్శకులను ఆహ్వానిస్తాయి. ఇక వెన్నుపూసలతో చేసిన శాండిలీర్ ఆ చర్చికే ప్రధాన ఆకర్షణగా నిలిచింది. ఈ చర్చికి బోన్ చర్చి అనే పేరు కూడా ఉంది.

English summary

Typically, we associate churches and chapels with angelic choruses, heavenly architecture, and lively spirits. There is, however, an exemption found in the Czech Republic.