యూఎస్ ట్రావెల్ బ్యాన్: సూడాన్ అవుట్.. ఉత్తరకొరియా, వెనిజులా ఇన్.. ట్రంప్ కొత్త ఉత్తర్వులు

అమెరికా అధ్యక్షుడు తన ట్రావెల్ బ్యాన్ ఉత్తర్వులను సవరించుకున్నారు. తొలుత ఏడు దేశాల పౌరులపై ప్రయాణ నిషేధ ఆంక్షలు విధించిన ఆయన, తాజాగా ఆ జాబితా నుంచి సూడాన్ ను తొలగించారు.

By Ramesh Babu

Published: Monday, September 25, 2017, 9:30 [IST]

వాషింగ్టన్: అమెరికా అధ్యక్షుడు తన ట్రావెల్ బ్యాన్ ఉత్తర్వులను సవరించుకున్నారు. తొలుత ఏడు దేశాల పౌరులపై ప్రయాణ నిషేధ ఆంక్షలు విధించిన ఆయన, తాజాగా ఆ జాబితా నుంచి సూడాన్ ను తొలగించారు.

అంతేకాదు, కొత్తగా ఈ జాబితాలో.. ఉత్తరకొరియా సహా, వెనిజులా, చాద్ దేశాలను ట్రంప్ కలిపారు. ఈ మేరకు వైట్ హౌస్ నుంచి ఓ ప్రకటన వెలువడింది. అమెరికా రక్షణే తన కర్తవ్యమని ఆ ప్రకటనలో ట్రంప్ పేర్కొన్నారు.

తాను పేర్కొన్న దేశాల నుంచి అమెరికాకు ముప్పు ఉందని భావిస్తుండబట్టే, ఆయా దేశాల పౌరులను అమెరికాలోనికి అనుమతించడం లేదని ఈ ప్రకటన విడుదలైన తరువాత ట్రంప్ తన సోషల్ మీడియా ఖాతాలో వెల్లడించారు.

Trump adds N. Korea & Venezuela to new travel ban, removes Sudan

ఈ సంవత్సరం మార్చిలో సిరియా, ఇరాక్, లిబియా, ఇరాన్, సోమాలియా, సూడాన్, యెమెన్‌ దేశాల ప్రజలు అమెరికాలోకి ప్రవేశించకుండా ట్రంప్ నిషేధం విధించగా, ఆ ఉత్తర్వుల గడువు గత గురువారంతో ముగిసింది.

మరోవైపు తాను విధించిన ట్రావెల్ బ్యాన్ పై సుప్రీంకోర్టులో కేసు నడుస్తున్నందున, విచారణ ముగిసేవరకూ ప్రయాణ నిషేధాలను పొడిగించాలని ట్రంప్ సర్కారు నిర్ణయించుకుంది. ఈ మేరకు సవరణ ఉత్తర్వులు జారీ చేసింది.

Published On September 25, 2017