ఉచిత కౌగిలింత, ట్విట్టర్లో విమర్శలు: ఇద్దరి అరెస్టు

సౌదీ: ఫ్రీ కౌగిలి అంటూ వింత పోకడలకు పోయిన ఇద్దరు యువకులను సౌదీ పోలీసులు అరెస్టు చేసినట్లుగా సౌదీ అరేబియాలోని స్థానిక మీడియాలో వార్తలు వచ్చాయి. సౌదీలోని తహ్లియా వీధిలో ఇద్దరు యువకులు 'ఫ్రీ హగ్' అంటూ ఇంగ్లీషులో బ్యానర్ ప్రదర్శించారు.

ఒంటరిగా ఉండే వారి కోసం, ప్రత్యేకంగా నగరాల్లో ఉండే వారి కోసం ఫ్రీ హగ్ ప్రచారం మూవ్‌మెంట్ ప్రారంభించారు. ఆలింగనం చేసుకోవడం వల్ల వారి జీవితాలు వెలిగిపోతాయని వారి ఉద్దేశ్యం.

ఈ ప్రచారం సౌదీలో విమర్శలకు దారి తీస్తోంది. ఇది ఫ్రీ హగ్ మాత్రమేనని ఫ్రీ డ్రగ్ కాదంటూ ప్రచారం చేస్తున్నారు.

దీనిపై సంప్రదాయవాదులు ఆగ్రహం వ్యక్తం చేస్తున్నారు. ఈ రోజు ఫ్రీ కౌగిలి అన్న వారు, రేపు ఫ్రీ కిస్ అంటారని, ఆ తర్వాత ఫ్రీ సెక్స్ అంటారని ట్విట్టర్‌లో విమర్శించారు.

యువకులు వింత పోకడలకు పోవడం వల్ల విమర్శలు వచ్చాయని, అందువల్లే పోలీసులు వారిద్దరిని అరెస్టు చేశారని చెబుతున్నారు.

English summary

Two young men arrested for campaigning to passers by.