షాకింగ్: చైనాలో ఒళ్లుగగుర్పొరిచే ప్రమాదం (వీడియో)

By Srinivas

| Published: Tuesday, November 4, 2014, 12:38 [IST]

బీజింగ్: చైనా దేశంలో ఒళ్లు గగుర్పొడిచే ప్రమాదం జరిగింది. ఓ మోటారు సైకిలిస్ట్‌ను కారు గుద్దుకోవడంతో అతని వద్ద ఒక్కసారిగా మంటలు చెలరేగాయి. అతను ఓ హ్యూమన్ ఫైర్ బాల్‌గా మారాడు. అయితే, అతను గాయాలతో బయటపడ్డాడు. ఈ దారుణ సంఘటన ఈస్టర్న్ చైనాలోని ఝెజియాంగ్ ప్రావిన్స్.. ఖుజో పట్టణంలో చోటు చేసుకుంది.

VIDEO: Man turns into human fireball after ramming into a car!

32 ఏళ్ల ఫెంగ్‌కు కారు గుద్దుకోగానే సెకండ్లలో హ్యూమన్ ఫైర్ బాల్‌లా మారాడు! కారు అతని ద్విచక్ర వాహనాన్ని ఢీకొట్టడంతో.. బ్యాలన్స్ ఆగక అతను, బైక్ కిందపడ్డాయి. దీంతో ఈ విషాదం చోటు చేసుకుంది.

నాలుగు రోడ్ల కూడలిలో రోడ్డు పైన ఓ కారు వేగంగా వస్తుంటుంది. ఎదురు రోడ్డులో కాకుండా.. పక్క రోడ్డు నుండి ఫెంగ్‌కు ఓ ద్విచక్ర వాహనం పైన వేగంగా వస్తుండగా.. కారు ఇతని బైక్‌ను ఢీకొట్టింది. ఆ తర్వాత బైక్, అతను మంటల్లో చిక్కుకుపోయారు. ఇది వీడియోలో కనిపిస్తుంది.

కారు గుద్దుకొని, కింద పడగానే జరగ్గానే ద్విచక్ర వాహనంలోని లీకైన పెట్రోలు కారణంగానే ఈ దారుణం జరిగినట్లుగా కనిపిస్తోంది. ఈ సంఘటనను చూసిన కారు డ్రైవర్ ఒక్కసారిగా నిశ్చేష్టుడయ్యాడు. కొన్ని సెకండ్ల తర్వాత అతను కారు నుండి దిగి ఫెంగ్‌కు వద్దకు వచ్చే ప్రయత్నం చేశాడు.

ఇది గగుర్పొడిచే ప్రమాదమని, బైక్ కిందపడటంతో అతను పడ్డాడని, క్షణాల్లో మంటలు పుట్టాయని ఓ సాక్షి చెబుతున్నారు. అదృష్టవశాత్తూ అతను బతికి బయటపడ్డాడు. మంటలు అంటుకోగానే ఫెంగ్‌కు వాటిని చల్లార్చుకునేందుకు చుట్టుపక్కల చూశాడు. అతనికి తీవ్ర గాయాలయ్యాయి. స్థానికులు అతనిని దగ్గరలోని ఆసుపత్రికి తరలించారు.