పిట్ట కొంచెం.. కూత ఘనం, 11 ఏళ్లకే డిగ్రీ ఫస్టియర్ పరీక్ష రాస్తున్న విద్యార్థి!

హైదరాబాద్: పదకొండేళ్ల వయసులో ఎవరైనా మహా అయితే ఆరో తరగతో, ఏడో తరగతో చదువుతుంటారు. కానీ ఈ బుడతడు మాత్రం ఏకంగా డిగ్రీ ప్రథమ సంవత్సరం పరీక్షలు రాయబోతున్నాడు. అందులోనూ అతడు చదువుతున్న కోర్సు పేరేమిటో తెలుసా? మాస్ కమ్యూనికేషన్ అండ్ జర్నలిజం.

ఈ పిట్ట కొంచెం.. కూత ఘనం పేరు అగస్త్య జైశ్వాల్. యూసఫ్‌గూడలోని సెయింట్ మేరీస్ కాలేజీలో చదువుతున్న ఈ బుడతడు గురువారం మధ్యాహ్నం తార్నాకలోని ఏలియన్స్ డిగ్రీ కాలేజీలో జరిగే బీఏ మాస్ కమ్యూనికేషన్ అండ్ జర్నలిజం ఫస్టియర్ పరీక్ష రాయబోతున్నాడు.

తెలంగాణలో 11 ఏళ్లకే ఈ పరీక్ష రాయనున్న మొట్టమొదటి విద్యార్థి అగస్త్యే. గతంలో కూడా తెలంగాణలో అతి చిన్న వయసులోనే 63 శాతం మార్కులతో ఇంటర్ ద్వీతీయ సంవత్సరం పాసైన తొలి విద్యార్థిగా అగస్త్య జైశ్వాల్ రికార్డు సృష్టించాడు.

అంతేకాదు, తెలంగాణలో 9 ఏళ్ల వయసులోనే 7.5 జీపీఏతో టెన్త్ క్లాస్ పాసైన మొట్టమొదటి విద్యార్థి కూడా అగస్త్యే. ఈ బుడతడు చదువులో మున్ముందు మరిన్ని రికార్డులు నెలకొల్పాలని ఆకాంక్షిద్దాం.

English summary

11 year old Agastya Jaiswal is going to write his B.A Mass communication and Journalism 1st year examination at Aliens Degree College, Tarnaka, Hyderabad, Telangana from afternoon 2pm. Agastya is the first boy in Telangana to write this examination at the age of 11 years. Agastya is the student of St.Mary's college, Yousufguda, Hyderabad. Previously Agastya Jaiswal is the first boy in Telangana to pass intermediate second year examination with 63%. Agastya Jaiswal is also the first boy in Telangana to pass 10th at the age of 9 with 7.5 GPA.