• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

ఏపీకి 613, తెలంగాణకు 544: విద్యుత్ ఉద్యోగుల విభజనపై కీలక ఆదేశాలు

|

హైదరాబాద్: ఎడతెగని సమస్యగా ఉన్న విద్యుత్ ఉద్యోగుల విభజన వ్యవహారంపై విచారణ జరిపిన జస్టిస్ ధర్మాధికారి కమిటీ.. 1157మంది విద్యుత్ ఉద్యోగుల విభజనపై శనివారం కీలక నిర్ణయాన్ని వెల్లడించింది. ఆంధ్రప్రదేశ్ రాష్ట్ర స్థానికత ఉన్నవారిలో 613మందిని ఏపీ సర్కారు తీసుకోవాలని ఆదేశించింది.

అంతేగాక, వీరి కోసం సూపర్ న్యూమరరీ పోస్టులు క్రియేట్ చేయాలని స్పష్టం చేసింది. ఇక మిగితా 544 మందిని తెలంగాణలో కొనసాగించాలని ఆదేశాలు జారీ చేసింది. కాగా, రాష్ట్ర విభజన అనంతరం ఏపీ స్థానికత ఉన్న 1157 మంది విద్యుత్ ఉద్యోగులను ఏపీకి బదిలీ చేస్తూ తెలంగాణ ప్రభుత్వం ఉత్తర్వులు జారీ చేసింది.

అయితే, తెలంగాణ ప్రభుత్వ నిర్ణయాన్ని పలువురు ఉద్యోగులు వ్యతిరేకించారు. తాము ఇక్కడే కొనసాగుతామని స్పష్టం చేశారు. ఇక ఏపీ ప్రభుత్వం కూడా తమ వద్ద ఖాళీలు లేవని, వారందరినీ చేర్చుకోలేదని తెలిపింది. దీంతో విద్యుత్ ఉద్యోగుల అంశం ఎడతెగని వివాదంగా మారింది.

 613 for AP, 544 for Telangana: dharmadhikari committee report on electricity employees

ఈ నేపథ్యంలో సుప్రీంకోర్టు వరకు ఈ వివాదం వెళ్లింది. దీంతో అందరితో చర్చించి పరిష్కార మార్గాన్ని సూచించేందుకు మాజీ న్యాయమూర్తి జస్టిస్ ధర్మాధికారి నేతృత్వంలో ఓ కమిటీని సుప్రీంకోర్టు వేసింది. నాటి నుంచి వివిధ అంశాలను పరిశీలించిన ధర్మాధికారి కమిటీ.. శుక్రవారం, శనివారం హైదరాబాద్‌లో ఏపీ, తెలంగాణ అధికారులతో చర్చించింది.

ఏపీకి వెళ్లేందుకు సిద్ధంగా ఉన్న 613 మందిని ఏపీలో చేర్చుకోవాలని, ఖాళీలు లేకపోతే సూపర్ న్యూమరరీ పోస్టులు సృష్టించాలని స్పష్టం చేసింది. ఇక మిగితా 554మంది ఉద్యోగులు తెలంగాణలోనే కొనసాగుతారని స్పష్టం చేసింది.

అంతేగాక, వీరిలో మరో 265 మంది ఉద్యోగులు తెలంగాణలో పనిచేస్తామంటున్నారని, ఈ విషయాన్ని కూడా పరిగణలోకి తీసుకోవాలని నిర్ణయించింది. విజయవాడలో ఈ విషయంపై నవంబర్ 2,3 తేదీల్లో విచారణ జరుపుతామని, రెండు రాష్ట్రాలకు ఇందుకు సంబంధించిన వివరాలను సమర్పించాలని ఆదేశించింది.

తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

English summary
613 for AP, 544 for Telangana: dharmadhikari committee report on electricity employees
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more