రాజేందర్రెడ్డి Vsశివకుమార్రెడ్డి: టిఆర్ఎస్ నేతల మధ్య అధిపత్యపోరు
నారాయణపేట అసెంబ్లీ నియోజకవర్గంలో ఎమ్మెల్యే రాజేందర్రెడ్డి, ఇంచార్జీ శివకుమార్రెడ్డి వర్గీయుల మధ్య ప్రచ్ఛన్నయుద్దంకొత్తగా పార్టీలోకి వచ్చి పెత్తనం చేస్తున్నారని శివకుమార్రెడ్డి వర్గీయుల అసంతృప్తి
నారాయణపేట: మహబూబ్నగర్ జిల్లా నారాయణపేట అసెంబ్లీ నియోజకవర్గంలో టిఆర్ఎస్ నేతల మధ్య సమన్వయం పార్టీపై తీవ్ర ప్రభావం చూపుతోంది. నారాయణపేట ఎమ్మెల్యే రాజేందర్రెడ్డి పెత్తనాన్ని పార్టీ ఇంచార్జీ శివకుమార్రెడ్డి వర్గీయులు సహించడం లేదు.
2014 ఎన్నికల్లో నారాయణపేట అసెంబ్లీ నియోజకవర్గం నుండి టిడిపి అభ్యర్థిగా రాజేందర్రెడ్డి పోటీచేశారు. టిఆర్ఎస్ అభ్యర్థిగా శివకుమార్రెడ్డి బరిలోకి దిగారు.
రాజేందర్రెడ్డి టిడిపిని వీడి టిఆర్ఎస్ చేరిననాటి నుండి టిఆర్ఎస్ నేత శివకుమార్రెడ్డి వర్గీయులు తీవ్ర అసంతృప్తితో ఉన్నారు. ఇప్పటివరకు పార్టీని కాపాడుకొంటూ వచ్చిన తమపై కొత్తగా పార్టీలో చేరిన రాజేందర్రెడ్డి పెత్తనం కొనసాగించడంపై శివకుమార్రెడ్డి వర్గీయులు ఆగ్రహం వ్యక్తం చేస్తున్నారు.
మొదటి నుండి పార్టీని నమ్ముకొన్నవారిని కాదని ఎమ్మెల్యే తన వెంట పార్టీ మారిన వారికే ప్రాధాన్యత ఇస్తున్నారని శివకుమార్రెడ్డి వర్గీయులు ఆరోపిస్తున్నారు.ఇటీవల నారాయణపేటలో మంత్రి లక్ష్మారెడ్డి పర్యటన సందర్భంగా శివకుమార్రెడ్డి ఈ విషయమై మంత్రితోనే నేరుగా గొడవకు దిగారు.