శుభవార్త!: ఇక్కడి ఏటీఎంలకు ఇతర రాష్ట్రాల నుంచి డబ్బు, ఆర్బీఐ చర్యలు

హైదరాబాద్: తెలుగు రాష్ట్రాల్లోని ఏటీఎంలలో నగదుకు తీవ్ర కొరత ఏర్పడిన నేపథ్యంలో రిజర్వ్ బ్యాంక్ ఆఫ్ ఇండియా (ఆర్బీఐ) ఉపశమన చర్యలు ప్రారంభించింది. ఇటు తెలంగాణ, అటు ఆంధ్రప్రదేశ్ రాష్ట్రాల్లోని ఏటీఎంలలో నింపేందుకు ఇతర రాష్ట్రాల నుంచి నగదు తెప్పిస్తోంది.

తెలుగు రాష్ట్రాల ఏటీఎంల్లో నగదుకు తీవ్ర కొరత ఏర్పడిన సంగతి తెలిసిందే. 50 శాతానికి పైగా ఏటీఎంలు పని చేయడం లేదు. పలు ఏటీఎంల ఎదుట 'నో క్యాష్ బోర్డులు' దర్శనమిస్తున్నాయి. అసలే పెళ్లిళ్ల సీజన్ కావడంతో జనం డబ్బు కోసం తీవ్ర ఇబ్బందులు ఎదుర్కొంటున్నారు.

దీంతో ఈ నగదు కొరతను పూడ్చడానికి ఆర్బీఐ తక్షణ చర్యలు చేపట్టింది. ఏపీకి ఒడిశా, తమిళనాడుల నుంచి నగదు రప్పిస్తుంటే.. తెలంగాణకు కేరళ, మహారాష్ట్రాల నుంచి రప్పించి ఏటీఎంలలో నగదు నింపేందుకు చర్యలు చేపట్టింది.

నెలాఖరు కావడం, ప్రభుత్వ ఉద్యోగుల జీతాలు, పెన్షన్లు ఇలా అన్నీ ఒకేసారి వస్తుండంతో నగదు కొరత ఏర్పడుతోంది. ఈ ఇబ్బందులు తలెత్తకుండా అధికారులు కూడా ముందస్తు చర్యలు చేపట్టారు. ఆర్బీఐ సూచలన మేరకు ఇతర రాష్ట్రాల నుంచి తెలుగు రాష్ట్రాలకు నగదును తెప్పిస్తున్నారు.

English summary

The worsening cash crunch in Telangana and Andhra Pradesh has forced banks to move cash from neighbouring states over the past two months to replenish ATMs and disburse money to customers waiting in snaking queues at their branches. While Telangana had to ship in cash from Maharashtra and Kerala, Andhra Pradesh did so from Odisha and Tamil Nadu. So severe is the cash crunch that despite efforts made by banks to replenish cash, currency is available in ATMs of big banks only 60 per cent of the time on any given day, while some banks have stopped ATM services for the past three months. Social security pensioners like Aasara and National Rural Employment Guarantee Act works too have been hit in Telangana as people have to visit post offices multiple times for money as they get their money supply from banks.