మిలియన్ డాలర్ స్మైల్: ‘బాలుడు-ఇన్స్పెక్టర్’ ఫొటో వైరల్
Recommended Video
హైదరాబాద్: తెలుగు రాష్ట్రాల్లోని పోలీసులు ప్రజలకు ఎల్లవేళలా అండగా ఉంటున్నారు. ఏ సమస్య వచ్చిన క్షణాల్లో స్పందిస్తూ పరిష్కారం చూపిస్తున్నారు. నేరాలను తగ్గించడంలో మెరుగైన పాత్రను పోషిస్తున్నారు. అంతేగాక, ప్రజలతో స్నేహపూర్వకంగా ఉంటున్నారు. కాగా, తాజాగా, ఇందుకు ఉదాహరణగా తెలుగు రాష్ట్రాల్లో రెండు ఘటనలో చోటు చేసుకున్నాయి. అవి సోషల్ మీడియాలో ఇప్పుడు వైరల్ అయ్యాయి.
Two pics of TS & AP breaking the internet today
— Pinky Rajpurohit (@Madrassan) October 9, 2017
1) Hyderabad cop with kidnapped baby, whom he rescued in 15 hours.
2) Pic says it all 😂 pic.twitter.com/qGwCPtuARR
ఇటీవల హైదరాబాద్ నగరంలో ఫైజాన్ ఖాన్ అనే నాలుగు నెలల బాలుడి కిడ్నాప్ జరిగింది. ఘటనపై కేసు నమోదు చేసుకున్న పోలీసులు వెంటనే స్పందించారు. విస్తృతంగా గాలింపు చేసి బాలుడి ఆచూకీని కనుగొన్నారు. అతని కుటుంబసభ్యులకు అప్పగించారు.
ఈ సందర్భంగా తనను ఎత్తుకున్న ఇన్స్పెక్టర్ సంజయ్ కుమార్ ను చూసి ఆ బాలుడు చిరునవ్వులు చిందించాడు. దీంతో అక్కడున్న వారిలో కూడా నవ్వులు పూశాయి. కాగా, ఈ ఫొటో ఇప్పుడు సోషల్ మీడియాలో వైరల్ అయ్యింది. మిలియన్ డాలర్ పిక్చర్ అంటూ నెటిజన్లు తమ తమ అభిప్రాయాలను వెల్లడిస్తున్నారు.
Inspector Sanjay Kumar @shonampally rescued this child who was kidnapped. The smile of the child says it all. Love this pic! @hydcitypolice pic.twitter.com/zA1jZ2QGMx
— Swati Lakra, IPS (@AddlCPCrimesHyd) October 7, 2017
కిడ్నాప్ వివరాల్లోకి వెళితే.. చిన్నారి ఫైజాన్ ఖాన్ తల్లి హుమీరా బేగం.. పగలంతా పని చేసి.. రాత్రి నాంపల్లిలోని ఓ నగల దుకాణం పక్కన పడుకునేది. గత బుధవారం రాత్రి అలాగే నిద్రలో ఉండగా... తెల్లవారుజామున 3 గంటల సమయంలో ఫైజాన్ ఖాన్ను దుండగులు ఎత్తుకెళ్లారు. అయితే ఆమెకు మెలకువ వచ్చేసరికి బాబు కనిపించలేదు. దీంతో బంధువులతో కలిసి నాంపల్లి పోలీసులను ఆశ్రయించింది.
సీసీ కెమెరాలను పరిశీలించిన పోలీసులు బాబును కిడ్నాప్ చేసిన వారిని గుర్తించారు. తామే చిన్నారిని కిడ్నాప్ చేశామని న్యూ అగాపురా ప్రాంతానికి చెందిన మహ్మద్ ముస్తాఖ్, హబీబ్ నగర్కు చెందిన మహ్మద్ యూసఫ్ పోలీసుల విచారణలో అంగీకరించారు.
Nampally police arrested 2 child kidnappers MD Mustaq & MD Yousuf n Traced 4 months baby boy with in 15 hours and handed over to parents pic.twitter.com/tmKegzBOkG
— SHO NAMPALLY (@shonampally) October 5, 2017
వీళ్లు కిడ్నాప్ చేసింది.. రహ్మత్ నగర్ కు చెందిన తమ స్నేహితు మహమ్మద్ గౌస్ కు ఇవ్వడానికి. కానీ గౌస్ ఈ వ్యవహారంలో ఓ తల్లిని ఇబ్బంది పెట్టడం ఇష్టం లేక.. వద్దని చెప్పడంతో తిరిగి ఇవ్వడానికి ఇంటికి చేరుకున్నారు. ఆ సమయంలోనే పోలీసులు వీరిని అరెస్ట్ చేసి.. తల్లి వద్దకు చేర్పించారు. దీంతో ఫైజాన్ తల్లి ఆనందానికి అవధుల్లేకుండా పోయాయి. తన కుమారుడి కిడ్నాప్ కేసులో వెంటనే స్పందించిన పోలీసులకు ఆమె కృతజ్ఞతలు తెలిపారు.