విచారణ మరోసారి వాయిదా: శిక్ష నుంచి తప్పించుకున్న విజయ్ మాల్యా!

Posted By:
Subscribe to Oneindia Telugu
For Quick Alerts
ALLOW NOTIFICATIONS
For Daily Alerts

    హైదరాబాద్: కింగ్‌ఫిషర్ ఎయిర్‌లైన్స్ మాజీ అధినేత విజయ్ మాల్యాకు ఎలాంటి శిక్ష పడుతుందోనని ఆసక్తిగా ఎదురు చూసిన వారికి నిరాశే ఎదురైంది. కింగ్‌ఫిషర్ చెక్ బౌన్స్ కేసు విచారణను హైదరాబాద్‌లోని కోర్టు మంగళవారం ఆగష్టు 4 వరకు వాయిదా వేసింది. వాయిదాల మీద వాయిదాలు పడుతూ వస్తున్న ఈ కేసు ఇటీవలే జులై 5కి వాయిదా పడింది.

    దీంతో మంగళవారం విచారణ చేపట్టిన ఎర్రమంజిల్ కోర్టు తదుపరి విచారణను మరో నెలరోజుల పాటు వాయిదా వేసింది. వివరాల్లోకి వెళితే... శంషాబాద్ అంతర్జాతీయ విమానాశ్రయ నిర్వహణ బాధ్యతలను పర్యవేక్షిస్తున్న జీఎంఆర్ సంస్ధకు కింగ్‌ఫిషర్ విమానాల కోసం ఎయిర్‌పోర్టును వినియోగించుకున్నందుకుగాను మాల్యా రూ.50 లక్షలు విలువ చేసే రెండు చెక్కులను ఇచ్చారు.

    Also Read: తీర్పు చెప్పలేం, మాల్యా హాజరు తప్పనిసరి: జీఎమ్మార్ కేసులో కోర్టు

    బ్యాంకు ఖాతాల్లో నగదు లేకపోవడం వల్ల మాల్యా ఇచ్చిన రెండు చెక్‌లు బౌన్స్ అయ్యాయి. దీంతో జీఎంఆర్ సంస్థ హైదరాబాదు ఎర్రమంజిల్లోని ప్రత్యేక కోర్టులో మాల్యాపై ఫిర్యాదు చేసింది. దీంతో మాల్యాను కోర్టులో హాజరుపర్చాలని కోర్టు గతంలో సమన్లు జారీ చేసింది. అంతేకాదు కేసులో కోర్టు మాల్యాను దోషిగా తేల్చింది.

     Hyderabad Court adjourns Kingfisher cheque bounce case till August 4

    అయితే శిక్షను ఇంకా ఖరారు చేయలేదు. దోషి లేకుండా శిక్షను ఖరారు చేయలేమన్న న్యాయమూర్తి మాల్యాను తమ ముందు హాజరుపరచాలని గతంలో ఆదేశాలు జారీ చేశారు. కోర్టు సమన్లు జారీ చేసిన చిరునామాతో ఉన్న నివాసాన్ని స్టేట్ బ్యాంక్ ఆఫ్ ఇండియా ముంబై బ్రాంచ్ సీజ్ చేసింది. మాల్యా అక్కడ ఉండడం లేదని వివరిస్తూ మహారాష్ట్ర పోలీసులు కోర్టుకు నివేదించారు.

    దీంతో నాంపల్లి కోర్టు జారీ చేసిన సమన్లను పోలీసులు విజయ్ మాల్యాకు అందించలేకపోయారు. దీంతో మాల్యా నివసిస్తున్న సరైన చిరునామా ఇవ్వాలని న్యాయవాది ఎం కృష్ణారావు ఈ సందర్భంగా జీఎంఆర్‌‌కు సూచించిన నేపథ్యంలో కేసు విచారణను వాయిదా వేసింది. కాగా జీఎంఆర్ సంస్థకు మొత్తంగా విజయ్ మాల్యా చెల్లించాల్సిన 8 కోట్ల రూపాయలకు గాను ఆయనపై 11 కేసులు నమోదయ్యాయి.

    English summary
    A Hyderabad court on Tuesday adjourned the hearing of the the Kingfisher cheque bounce case till August 4. The court on June 6 had adjourned the hearing of the case till today but again postponed the matter for a later date. The court was hearing the petition against liquor baron Vijay Mallya, who was convicted in two cheque bounce cases filed against him by the GMR Hyderabad International Airport Ltd.

    Oneindia బ్రేకింగ్ న్యూస్
    రోజంతా తాజా వార్తలను పొందండి

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more