టెక్కీ అనుమానాస్పద మృతి: ప్రేమ వ్యవహారమా, ఆర్థిక కారణాలా?
హైదరాబాద్: ఓ సాఫ్టువేర్ ఇంజినీర్ అనుమానాస్పదస్థితిలో మృతి చెందాడు. సికింద్రాబాద్ జేమ్స్ స్ట్రీట్ రైల్వే స్టేషన్ పట్టాలపై అతని మృతదేహం పడి ఉంది.
ఉప్పల్కు చెందిన కృష్ణవర్ధన్ రామంతాపూర్లోని ఓ సాఫ్టువేర్ కంపెనీలో పని చేస్తున్నాడు. అతను శనివారం వేకువజామున మూడు గంటలకు ఆఫీస్ నుంచి బయటకు వెళ్లిపోయాడు.
ఆ తర్వాత రైల్వే పట్టాలపై విగతజీవుడిగా కనిపించాడు. పోలీసులు కేసు నమోదు చేసుకొని దర్యాఫ్తు చేస్తున్నారు.
కాగా, కృష్ణవర్ధన్ మృతిపై అనుమానాలు వ్యక్తం అవుతున్నాయి.
అతడి సెల్ఫోన్ అమీర్ పేటలో దొరికింది. రాత్రి స్నేహితుడిని డబ్బుల కోసం బ్యాగ్ అడిగాడు. ఈ నేపథ్యంలో అతని హత్య మిస్టరీగా మారింది.
తనకు తెలిసిన వారికి కృష్ణవర్ధన్ చిన్నగా ఫైనాన్స్ ఇస్తుంటాడు. రాత్రి ఓ అమ్మాయి అతని తల్లికి ఫోన్ చేసి విష్ణు ఉన్నాడా అని అడిగినట్లు చెబుతున్నారు. అతడి మృతికి ప్రేమ వ్యవహారం కారణమా లేక ఆర్థిక వ్యవహారాలా అని పోలీసులు విచారణ జరుపుతున్నారు.
Click it and Unblock the Notifications
Sign in with Google