ఇవాంక పర్యటన: గాలిపైనా నిఘా, పరిశ్రమల పొగపై కత్తి

హైదరాబాద్: అమెరికా అధ్యక్షుడు డోనాల్డ్ ట్రంప్ కూతురు, సలహాదారు ఇవాంక ట్రంప్ హైదరాబాద్ పర్యటన సందర్భంగా వాతావరణం పొగతో కలుషితం కాకుండా చర్యలు చేపట్టారు. చుట్టుపక్కల ఉన్న పరిశ్రమలపై నిఘా ఏర్పాటు చేశారు.

ఆమె రాక సందర్భంగా బిచ్చగాళ్లను పంపించి వేసిన విషయం తెలిసిందే. దోమల బెడద లేకుండా కూడా ముందస్తు చర్యలు తీసుకున్నారు. హైదరాబాదులో ఆమె కోసం స్వచ్చమైన గాలిని కూడా ఖాయం చేస్తున్నారు. వారం రోజుల పాటు పరిశ్రమలపై ఆంక్షలు విధించారు.

హద్దూపద్దు లేకుండా పొగ వదిలితే కఠినమైన చర్యలు తీసుకుంటామని సంబంధిత అధికారులు పరిశ్రమల యాజమాన్యాలకు హెచ్చరికలు జారీ చేసినట్లు తెలుస్తోంది. కాలుష్య నియంత్రణ మండలి పరిశ్రమలపై ప్రత్యేకంగా నిఘా పెట్టినట్లు సమాచారం.

ఐడిఎ బొల్లారం పారిశ్రామికవాడ నుంచి పొగ వెలువడకుండా చూసే బాధ్యతను కాలుష్య నియంత్రణ మండలి భుజాన వేసుకుంది. పాశమైలారం పారిశ్రామికవాడలో పిసిసి టాస్క్‌ఫోర్స్ పనిచేస్తోంది. ఇరవై నాలుగు గంటలు పారిశ్రామికవాడలపై నిఘా పెట్టినట్లు తెలుస్తోంది.

English summary

Anti pollution Board has takenup action plan to controle industrial pollution during Ivanka trump's Hyderabad visit.