• search

రోడ్డు ప్రమాదంలో నందమూరి హరికృష్ణ దుర్మరణం, విషాదంలో నందమూరి కుటుంబం

By Suvarnaraju
Subscribe to Oneindia Telugu
For Quick Alerts
ALLOW NOTIFICATIONS
For Daily Alerts
      నందమూరి హరికృష్ణ రోడ్డు ప్రమాదంలో దుర్మరణం

      నల్గొండ:ఎన్టీఆర్ కుమారుడు నందమూరి హరికృష్ణ రోడ్డు ప్రమాదంలో దుర్మరణం చెెందారు. నార్కట్ పల్లి కామినేని ఆసుపత్రిలో చికిత్స పొందుతూ కన్నుమూశారు. హైదరాబాద్ నుంచి నెల్లూరు ఎపి28బిడబ్ల్యు 2323 కారులో మరో ఇద్దరితో కలసి బయలుదేరిన హరికృష్ణ ప్రమాద సమయంలో తానే స్వయంగా నడుపుతున్నట్లు తెలిసింది.

      చదవండి: నందమూరి హరికృష్ణ మృతికి కారణం ఇదే! హుటాహుటిన జూ.ఎన్టీఆర్, చంద్రబాబు

      తెల్లవారుఝామున 4.30కి బయలుదేరిన కారు నార్కెట్ పల్లి-అద్దంకి రహదారిపై నల్గొండ జిల్లా అన్నేపర్తికి చేరుకోగానే ప్రమాదానికి గురైనట్లు తెలిసింది. ప్రమాద సమయంలో కారు 160 కిలోమీటర్ల వేగంతో ప్రయాణిస్తోందని తెలిసింది. ఈ ప్రమాదంలో హరికృష్ణ తలకు,ఛాతీ భాగానికి బలమైన గాయాలు అయినట్లు తెలిసింది. దీంతో శ్వాస తీసుకోవడానికి ఆయన ఇబ్బంది పడుతున్నట్లు తెలిసింది. ఎదురుగా వస్తున్న వాహనాన్ని తప్పించే ప్రయత్నంలో హరి కృష్ణ కారు బోల్తా పడింది..

      Nandamuri Harikrishna killed in road accident

      ప్రమాదంలో తీవ్రంగా గాయపడిన హరికృష్ణను చికిత్స నిమిత్తం కామినేని ఆస్పత్రికి తరలించారు. ఇదే రహదారిపై గతంలో హరికృష్ణ కుమారుడు ప్రమాదానికి గురై చనిపోయారు. ప్రమాదం విషయం తెలియగానే హరికృష్ణ కుమారులు జూనియర్ ఎన్టీఆర్, కళ్యాణ్ రామ్ ఆస్పత్రికి బయలుదేరి వెళ్లారు. చంద్రబాబు, నారా లోకేష్ కూడా హైదరాబాదుకు బయలుదేరారు. హరికృష్ణకు ముగ్గురు కుమారులు, కూతురు ఉన్నారు.

      అయితే, ప్రమాద స్థలంలో రెండు వాహనాలు ఉండడంతో హరికృష్ణ రోడ్డుపై పడిపోవడంతో హరికృష్ణ ప్రయాణిస్తున్న కారు ఆ వాహనాన్ని ఢీ కొట్టి పల్టీ కొట్టిందా..? వేరే వాహనం రాంగ్‌రూట్‌లో వచ్చి ఎదురుగా ఢీకొట్టిందా..?...అనే పలు అనుమానాలు వ్యక్తమవుతున్నాయి. ప్రమాదం గురించి తెలుసుకున్న నందమూరి కుటుంబసభ్యులు,అభిమానులు శోకసంద్రంలో మునిగిపోయారు. సమాచారం తెలుసుకున్న పోలీసులు సంఘటనా స్థలానికి చేరుకుని, ప్రమాద వివరాలు సేకరిస్తున్నారు. కాగా, ఈ ప్రమాదానికి సంబంధించిన పూర్తి వివరాలు తెలియాల్సి ఉన్నాయి.

      నందమూరి హరికృష్ణ కుటుంబాన్ని రోడ్డు ప్రమాదాలు వెంటాడుతున్నాయి. 2009 లో జూనియర్ ఎన్టీఆర్ ప్రమాదానికి గురైనా ప్రాణాలతో బైటపడ్డారు. 2009 ఎన్నికల ప్రచారంలో భాగంగా జూనియర్ ఎన్టీఆర్ ఖమ్మంలో జరిగిన ఎన్నికల సభలో పాల్గొని హైద్రాబాద్ తిరుగు ప్రయాణమైన సందర్భంలో ఆ రోడ్డు ప్రమాదం జరిగింది. ఆ తరువాత హరికృష్ణ పెద్ద కుమారుడైన నందమూరి జానకి రామ్ నల్గొండ జిల్లా మునగాల మండలం ఆకుపాముల దగ్గర ఏపీ 29 బీడీ 2323 కారులో ప్రయాణిస్తుండగా ప్రమాదం జరిగింది. ఆ రోడ్డు ప్రమాదంలో దుర్మరణం చెందారు.

      తాజాగా నల్గొండ జిల్లా అన్నేపర్తి వద్ద జరిగిన రోడ్డు ప్రమాదంలో నందమూరి హరికృష్ణ(61) మృతి చెందడంతో ఆయన కుటుంబాన్ని రోడ్డు ప్రమాదాలు వెంటాడుతున్నాయని చర్చించుకుంటున్నారు. పైగా నందమూరి హరికృష్ణ కుమారుడు జానకీరామ్ ప్రమాదానికి గురై ప్రాణాలు కోల్పోయిన కారు నంబర్, హరికృష్ణ యాక్సిడెంట్ కు గురైన కారు నంబర్ 2323 కావడం విధి వైచిత్రి.

      English summary
      NTR's son Nandamuri Harikrishna has been seriously injured in the road accident. It was reported that Harkrishna had been driving himself AP28 BW 2323 car from Hyderabad to Nellore.

      Oneindia బ్రేకింగ్ న్యూస్
      రోజంతా తాజా వార్తలను పొందండి

      X
      We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more