ఎన్ఎస్‌యూఐ సమావేశం రసాభాస: బల్లలు, కుర్చీలు విసిరేసుకున్న కార్యకర్తలు, మహిళా నేత ఆవేదన

హైదరాబాద్: కాంగ్రెస్ పార్టీ విద్యార్థి విభాగమైన ఎన్ఎస్‌యూఐ రాష్ట్ర కార్యవర్గ సమావేశం రషాభాసగా మారింది. హైదరాబాద్ గాంధీ‌భవన్‌ ఆవరణలోని ఇందిరాభవన్‌లో నిర్వహించిన కార్యవర్గ సమావేశంలో రెండు వర్గాలు విడిపోయి బల్లలు, కుర్చీలు విసిరేసుకున్నారు.

మూడేళ్లుగా ఎన్ఎస్‌యూఐ రాష్ట్ర కార్యవర్గ సమావేశం ఏర్పాటు చేయకపోవడంతో ఎన్ఎస్‌యూఐ రాష్ట్ర అధ్యక్షుడు బల్మూరి వెంకట్‌ను కొంతమంది నాయకులు నిలదీశారు. దీంతో పలువురు జిల్లా అధ్యక్షులు, రాష్ట్ర నాయకుల మధ్య వాగ్వావాదం చోటు చేసుకుంది. ఈ క్రమంలో రాష్ట్ర అధ్యక్షుడు వెంకట్, ఉపాధ్యక్షురాలు చందనారెడ్డి కూడా వాగ్వాదానికి దిగారు.

రాష్ట్రంలోని యూనివర్సిటీల్లో ఎలాంటి కమిటీలు నియమించకుండా వెంకట్ ఏకపక్షంగా వ్యవహరిస్తున్నారని చందనా రెడ్డి ఆరోపించారు. సమావేశంలో మాట్లాడుతుండగా వెంకట్ అనుచరులు అడ్డగించారని, తమ అభిప్రాయాలు చెబితే బెదిరిస్తున్నారని చందనా రెడ్డి మీడియా ముందు వాపోయారు. తమ సమస్యలు చెబుతుంటే కొందరు మీసాలు మెలేస్తున్నారని చందన మండిపడ్డారు.

ఖమ్మంకు కాంగ్రెస్ నేత జగ్గారెడ్డి

తమ పార్టీ నాయకులపై కేసులు పెట్టిన పోలీసులపై దండయాత్ర చేస్తామని ప్రకటించారు సంగారెడ్డి కాంగ్రెస్‌ ఎమ్మెల్యే జగ్గారెడ్డి. హైదరాబాద్‌ మీడియాతో మాట్లాడిన ఆయన.. గురువారం ఖమ్మం వెళ్తున్నామని తెలిపారు. ఖమ్మం జిల్లాలో కాంగ్రెస్ నేతలపై పీడీ యాక్టులు పెట్టిన కేసుల సంగతి తేలుస్తామన్న ఆయన.. ఇప్పటికే సీఎల్పీ నేత మల్లు భట్టి విక్రమార్క కూడా మాట్లాడారు.. అందరం కలిసి వెళ్తున్నామన్నారు.

టీపీసీసీ చీఫ్‌ రేవంత్‌రెడ్డి, సీఎల్పీ నేత భట్టి, నేను.. ఇలా అందరం కలిసే వెళ్తాతం.. కార్యాచరణ ప్రకటిస్తాం అని జగ్గారెడ్డి తెలిపారు. ఖమ్మలో ఏం చేస్తాం అనేది చూపిస్తామన్న ఆయన.. తమ పార్టీ నాయకులపై కేసులు పెట్టిన పోలీసులపై దండయాత్ర చేస్తామని హెచ్చరించారు. ఇక, తమ పర్యటనలో బీజేపీ కార్యకర్త కుటుంబాన్ని కూడా పరామర్శిస్తామన్నారు జగ్గారెడ్డి. పార్టీ కార్యకర్త లాగా కాదు.. సాధారణ పౌరుడిగా పరామర్శ చేస్తామన్నారు.

English summary

nsui executives fight each other in a meeting held in hyderabad.