పట్టపగలు జూబ్లీహిల్స్‌లో దోపిడీ: బైక్ ఎత్తుకుని పరారీ

Posted By:
Subscribe to Oneindia Telugu
పట్టపగలు జూబ్లీహిల్స్‌లో దోపిడీ: బైక్ ఎత్తుకుని పరారీ

హైదరాబాద్: హైదరాబాదులోని జూబ్లీహిల్స్‌లో పట్టపగలు దారి దోపిడీ జరిగింది. జూబ్లీహిల్స్ రోడ్ నెంబర్ 47లోని ఓ కంపెనీలో పని చేసే ఓ ఉద్యోగిపై నడిరోడ్డుపై కాపుగాసిన దుండగులు దాడి చేశారు.

ఆఫీసు నుంచి బయటికి రాగానే అతనిపై ముగ్గురు దుండగులు కత్తులతో బెదిరించి అతని నుంచి పర్సు, ఎఫ్‌జడ్ బండి లాక్కొని పరారయ్యారు. వారిని ఎదుర్కునే క్రమంలో బైక్ నుంచి బాధితుడు పడిపోయాడు.

Robbery at Jubileehills on broad day light

అయితే ఈ దృశ్యాలన్నీ పక్కనే ఉన్న సీసీ కెమెరాలో రికార్డయ్యాయి. బాధితుల ఫిర్యాదు మేరకు కేసు నమోదు చేసుకున్న పోలీసులు దర్యాప్తు చేస్తున్నారు. కాగా ఈ ఘటనకు అన్ని చెక్‌పోస్ట్‌ల వద్ద పోలీసులు అలర్ట్ అయ్యారు.

అయితే బాధితులకు తెలిసిన వారే ఈ ఘటనకు పాల్పడ్డారా? లేకుంటే దొంగలు ఈ పని చేశారా? అనే కోణంలో పోలీసులు దర్యాప్తు చేస్తున్నారు. దుండగులు హైదరాబాదీయులా, లేక అంతరాష్ట్ర ముఠాకు చెందినవారా? అనే కోణంలో పోలీసులు దర్యాప్తు చేస్తున్నారు.

ఫుటేజీ ఆధారంగా దుండగులను పట్టుకునేందుకు పోలీసులు ప్రయత్నిస్తున్నారు. అందరూ చూస్తుండగానే రోడ్డుపై ఆ ఘటన జరిగింది.

తెలుగు మ్యాట్రిమోనిలో మీకలల జీవిత భాగస్వామిని కనుగొనండి - రిజిస్ట్రేషన్ ఉచితం!

English summary
A robbery tookplace at Jubileehills in Hyderabad in broad day light.

Oneindia బ్రేకింగ్ న్యూస్
రోజంతా తాజా వార్తలను పొందండి