అయ్యప్ప భక్తుల కోసం ప్రత్యేక రైళ్లు- షెడ్యూల్..!!

అయ్యప్ప భక్తుల కోసం రైల్వే శాఖ కీలక అప్డేట్ ఇచ్చింది. దక్షిణ మధ్య రైల్వే శబరిమల కు వెళ్లే భక్తుల కోసం ప్రత్యేక రైళ్లను ప్రకటించింది. తెలుగు రాష్ట్రాల నుంచి పెద్ద సంఖ్యలో భక్తులు శబరి మల కు వెళ్తూ ఉంటారు. ఈ ఏడాది వారి సంఖ్య ఎక్కువగా ఉంది. ఇప్పటికే సాధారణ రైళ్లలో న రూమ్ కనిపిస్తోంది. దీంతో, భక్తుల నుంచి వస్తున్న డిమాండ్ మేరకు 26 ప్రత్యేక రైళ్లను నడపాల ని నిర్ణయం తీసుకుంది. ఈ మేరకు షెడ్యూల్ ను ప్రకటించింది.

శబరిమల భక్తుల కోసం దక్షిణ మధ్య రైల్వే ప్రత్యేక రైళ్లను ప్రకటించింది. సికింద్రాబాద్‌, కాచి గూడ, హైదరాబాద్‌, మౌలాలి నుంచి కొట్టాయం తో పాటుగా కొచ్చి వరకు ఈ రైళ్లు నడవనున్నాయి. మొత్తం 26 ప్రత్యేక రైళ్లు నవంబర్ 17 నుంచి డిసెంబర్ 2 వరకు ప్రయాణికులకు అందు బాటులో ఉండనన్నాయి. కాచిగూడ-కొట్టాయం రైలు (07131/07132)- నవంబర్ 17, 24 తేదీల్లో.. కాచిగూడ నుంచి ఆదివారం మధ్యాహ్నం 12.30 గంటలకు బయలుదేరి మరుసటి రోజు సాయంత్రం 6.30 గంటలకు కొట్టాయం చేరుకుంటుంది.

కాచిగూడ-కొట్టాయం-కాచిగూడ (07133/07134)- నవంబర్ 18, 25 తేదీల్లో.. సోమవారం రాత్రి 8.50కు కాచిగూడ నుంచి బయలుదేరి బుధవారం మధ్యాహ్నం ఒంటి గంటకు కొట్టాయం చేరే విధంగా షెడ్యూల్ ఖరారు చేసారు. ఈ రైలు కాచిగూడ నుంచి షాద్‌నగర్‌, జడ్చర్ల, మహబూ బ్‌నగర్‌ మీదుగా కోయంబత్తూరు, పాలక్కాడ్, త్రిస్సూర్, అలవా, ఎర్నాకుళం స్టేషన్ల మీదుగా గమ్యస్థానం చేరుతుంది. హైదరాబాద్‌-కొట్టాయం-హైదరాబాద్‌ (07135/07136)- ఈ నెల 19, 26 తేదీలలో.. మంగళవారం మధ్యాహ్నం 12 గంటలకు బయల్దేరి బుధవారం సాయంత్రం 4 గంటలకు కొట్టాయం చేరుతుంది.

ఈ రైలు హైదరాబాద్‌ నుంచి బయలుదేరి బేగంపేట, లింగంపల్లి, శంకరపల్లి, వికారాబాద్‌, తాండూరు, సేరం, యాద్గిరి, కృష్ణ, రాయచూర్‌, మంత్రాలయం, ఆదోనీ, గుంతకల్‌, కోయం బత్తూర్‌, పాలక్కాడ్, త్రిస్సూర్, అలువా, ఎర్నాకుళం స్టేషన్ల మీదుగా రాకపోకలు సాగిస్తుంది. ఇక,
సికింద్రాబాద్‌- కొట్టాయం-సికింద్రాబాద్‌ (07137/07138)- నవంబర్‌ 16, 23, 30వ తేదీల్లో.. ప్రతి శనివారం రాత్రి 9.45 గంటలకు కొట్టాయంలో బయల్దేరి సోమవారం రాత్రి 12.50కు సికింద్రాబాద్‌ చేరుతుంది.

సికింద్రాబాద్‌లో ఈ రైలు నవంబర్‌ 22, 29 తేదీల్లో బయలుదేరుతుంది. నాందేడ్-కొల్లం-సికింద్రాబాద్‌ (07139/07140)- నవంబర్ 16న నాందేడ్‌లో, నవంబర్‌ 18న కొట్టాయంలో బయలుదేరుతుంది. మౌలాలి-కొల్లాం-మౌలాలి (0714/07142)- ఈ నెల 23, 30 తేదీల్లో మౌలాలి నుంచి బయలుదేరి ఎర్నాకుళం టౌన్‌, ఎట్టుమనూర్‌, కొట్టాయం, చెంగచేరి స్టేషన్ల మీదుగా రాకపోకలు సాగిస్తుంది.

English summary

South Central railway announces special trains for Sabarimala Pilgrims from 17th to dec 2nd.