• search

ఏపీ, తెలంగాణ మధ్య అసహనమెందుకు: సుప్రీం, కేసీఆర్‌కు షాక్!

Posted By:
Subscribe to Oneindia Telugu
For Quick Alerts
ALLOW NOTIFICATIONS
For Daily Alerts

    న్యూఢిల్లీ: రెండు రాష్ట్రాల మధ్య అసహనం వద్దని, మీ మధ్య ఎందుకు ఇంత అసహనమో మాకు అర్థం కావడం లేదని తెలంగాణ, ఆంధ్రప్రదేశ్ రాష్ట్రాలను ఉద్దేశించి సుప్రీం కోర్టు సోమవారం నాడు వ్యాఖ్యానించింది. మహారాష్ట్రలోని బాబ్లీ ప్రాజెక్టు నిర్వహణ కమిటీలో ఏపీ కొనసాగింపుపై వాదనలు జరిగాయి.

    బాబ్లీ ప్యానల్‌లో ఏపీ వద్దని తెలంగాణ, మహారాష్ట్రలు సుప్రీం కోర్టులో వాదించాయి. కానీ తెలంగాణకు చుక్కెదురయింది. కమిటీలో ఏపీ ఉంటే అభ్యంతరం ఏమిటని తెలంగాణ సర్కారును సుప్రీం కోర్టు ప్రశ్నించింది. అయితే, ఆ ప్రాజెక్టుతో ఏపీకి సంబంధం లేదని తెలంగాణతో పాటు మహారాష్ట్రలు చెప్పాయి. కానీ వారి వాదనను సుప్రీం తోసిపుచ్చింది.

    Also Read: బాబ్లీపై ఏపీకి ఎందుకని తెలంగాణ, మహారాష్ట్ర: హక్కుందని ఆంధ్రా

    బాబ్లీ పర్యవేక్షక కమిటీలో ఏపీ కొనసాగుతుందని సుప్రీం స్పష్టం చేసింది. రాష్ట్ర విభజన అనంతరం కమిటీలో ఏపీ ఉండలా లేదా అనే అంశంపై సుప్రీం కోర్టులో జరుగుతున్న విచారణను నిన్న (సోమవారం) సుప్రీం కోర్టు ప్రధాన న్యాయమూర్తి జస్టిస్‌ టీఎస్‌ ఠాకూర్‌, జస్టిస్‌ ఏఎం ఖన్విల్కర్‌, జస్టిస్‌ డీవై చంద్రచూడ్‌లతో కూడిన ధర్మాసనం చేపట్టింది.

    Supreme Court for Telangana, AP officials on Babli panel

    మొదట తెలంగాణ న్యాయవాది వైద్యనాథన్‌ వాదనలు వినిపిస్తూ... రాష్ట్ర విభజన నేపథ్యంలో ఏపీకి బాబ్లీతో సంబంధం లేదని చెప్పారు. కాబట్టి కమిటీలో ఏపీ అవసరం లేదన్నారు. మహారాష్ట్ర కూడా ఏపీని కమిటీ నుంచి తొలగించాలని కోరింది.

    కమిటీ నుంచి ఏపీని మినహాయిస్తే రాష్ట్ర ప్రయోజనాలు దెబ్బతింటాయని ఏపీ వాదించింది. వాదనల అనంతరం నదీజలాల అంశంపై ఏపీ, తెలంగాణలు పరస్పరం అసహనంతో ఉన్నాయని జస్టిస్‌ టీఎస్‌ ఠాకూర్‌ వ్యాఖ్యానించారు. అంతర్ రాష్ట్ర నదీ జలాల వినియోగంలో దిగువ రాష్ట్రాలు సైతం భాగస్వాములేనని పేర్కొంది. కాగా, బాబ్లీ కమిటీలో ఇప్పటికే ఏపీ ఉండగా, తెలంగాణను చేర్చారు.

    English summary
    The Supreme Court on Monday allowed the Centre to have representatives from Telangana state and Andhra Pradesh in the “supervisory committee” to monitor the release of water from the Babli barrage by Maharashtra in the Pochampad project.

    Oneindia బ్రేకింగ్ న్యూస్
    రోజంతా తాజా వార్తలను పొందండి

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more