పవన్ కళ్యాణ్కు ఇష్టమైన ఇద్దరు వారియర్స్ వీరే: అపూర్వ చిత్రాలు (ఫోటోలు)
హైదరాబాద్: జనసేన పార్టీ అధ్యక్షులు పవన్ కళ్యాణ్ బుధవారం ట్విట్టర్లో డాక్టర్ బీఆర్ అంబేడ్కర్, పెరియార్ల ఫోటోలను పోస్ట్ చేశారు. తనకు ఇష్టమైన ఇద్దరు వారియర్స్ వీరే అంటూ ఆ ఫోటోలు పెట్టారు.
Recommended Video
జనసేన అధినేత పవన్ కళ్యాణ్ విశాఖపట్నంలో పర్యటిస్తున్నారు. ఈ సందర్భంగా ఆయన ఈ ఫోటోను పెట్టారు. తనకు ఇష్టమైన ఇద్దరు వీరులు.. హీరోలు వీరేనని, వీరిద్దరూ కలసి ఉన్న అపూర్వ చిత్రం లండన్లో తనకు దొరికిందని పవన్ కళ్యామ్ పేర్కొన్నారు.
పవన్ కళ్యాణ్ షేర్ చేసిన అపూర్వ చిత్రం
ఈ అపూర్వ చిత్రాన్ని తన ట్విట్టర్ ఖాతాలో అభిమానులతో పంచుకున్నారు. డాక్టర్ బీఆర్ అంబేద్కర్, పెరియార్ రామస్వామిలు కలిసి కూర్చుని సరదాగా ముచ్చటించుకుంటున్న ఈ చిత్రం తనకు లండన్లోని అంబేద్కర్ హౌస్లో కనిపించగా, దాని కాపీని తీసుకున్నానని పవన్ తెలిపారు.
తుది శ్వాస వరకు పోరాడారు
వీరిద్దరూ సమాజంలో అసమానతలను తొలగించాలన్న ఉద్దేశంతో తమ తుది శ్వాస వరకూ పోరాడారని పవన్ కళ్యాణ్ కొనియాడారు. ఆ తర్వాత పవన్ కళ్యామ్ మరో ఫోటో కూడా పోస్ట్ చేశారు,.
వారిని తీక్షణంగా చూస్తూ పవన్ కళ్యాణ్
తొలి ఫోటోను పెరియార్, అంబేడ్కర్లు కలిసి సరదాగా నవ్వుతూ ఉన్న ఫోటోను పెట్టిన పవన్.. ఆ తర్వాత తాను ఆ ఫోటోను చూస్తున్న ఇమేజ్ని పోస్ట్ చేసారు. వారిద్దరు సరదాగా నవ్వుతున్న ఫోటోను పవన్ కళ్యాణ్ తీక్షణంగా చూస్తూ అందులో ఉన్నారు.
పార్టీపై దృష్టి సారించిన పవన్ కళ్యాణ్
పవన్ కళ్యాణ్ ఇటీవల లండన్ పర్యటనకు వెళ్లిన విషయం తెలిసిందే. ఆ తర్వాత ఆయన జనసేన కార్యక్రమాలపై దృష్టి సారించారు. ఇప్పుడు వరుసగా ఆంధ్రప్రదేశ్లో పర్యటన ప్రారంభించారు.
Click it and Unblock the Notifications
Sign in with Google